Nos Capitulum ecclesie sancti Michaelis de castro ferreo presentibus litteris damus pro memoria quod secundum tenorem litterarum nostrarum memorialium, in crastino Epiphanie domini petrus filius Mixe* cum Stephano fratre suo, et cum alio Stephano de Mestur, petro filio pauli, Kalanda filio Jardani necnon cum duodecim nobilibus equalibus sibi debuisset prestitisse Sacramentum coram nobis contra Simonem de Buluzlou super eo, quod Salamon frater suus de consilio ipsius petri non fuerit interfectus, et post mortem ipsius Salamonis corpus eius de eiusdem consilio non fuerit suspensum, et adveniente termino idem Simon sacramentum solius ipsius petri receptauit super articulis premissis, sed propter bonum pacis sacramentum ceterorum......... ydem parati fuerunt ad iurandum, noluit acceptare, et post hec cum eodem (Petro) idem Simon ad osculum pacis purgata ipsius consciencia deuenit, uolens (eundem) petrum a morte fratris sui penitus expediri. datum in termino prescripto.

Kivűl: Contra Simonem de Bogozlou pro petro filio Mixe.

Foltos kemény hártyán, pecsétjének már nyoma sem látszik; eredetije a N. Muzeumban. Közli: Nagy Imre.