Omnibus xpi fidelibus tam presentibus quam futuris Presens scriptum inspecturis, Capitulum ecclesie Agriensis salutem in omnium saluatore. Ad uniuersorum noticiam tenore presencium volumus peruenire, Quod Ladislao filio Johannis de Nawalad ex una parte ab altera uero Jacobo filio Stephk genero eiusdem coram nobis personaliter constitutis, idem Ladislaus proposuit viua uoce, quod dimidietates duarum terrarum suarum Kyrch et Kyrch uocatarum in Comitatu Nouicastri existencium, tytulo empcionis ad ipsum Johannem patrem suum deuolutarum cum vniuersis vtilitatibus et pertinencys earundem, ob dileccionem domine sororis sue, vxoris eiusdem Jacobi dedisset donasset et contulisset eidem domine sorori sue et per eandem dicto Jacobo sibi e (így) suis heredibus iure perpetuo possidendas et habendas a nemime proximorum et cognatorum suorum processu temporis aliquatenus ab eisdem repetendas. In cuius rei testimonium ad instanciam eiusdem Ladislai presentes contulimus sigilli nostri munimine roboratas. Presentibus tamen magistro petro preposito, Johanne lectore, Stephano custode, martino de Patha, Petro de Kemey, Johanne de Heues archidiaconis et alys multis. Anno domini m° ccc° quarto. Regali dignitate vacante. Mychaele Strigoniensi, Stephano colocensi Archiepiscopis, et domino nostro venerabili patre Andrea dei gracia Episcopo Agriensi existentibus.

Fejér-zöld selyem zsinóron függő pecséttel, alúl cyrographummal; néhai Hatos Gusztáv gyűjteményéből közli: Nagy Imre.