Nos Capitulum ecclesie nitriensis, damus pro memoria, quod cum Stephanus filius Churnuk in octauis sancti Georgy martiris nunc uenturis porcionem suam de terra Sotouch pro tribus marcis magistro Jurizlao filio Ban, ob uigore litterarum prepositi de Turuch et conuentus obligatam, sicut eciam littere comitis Th. iudicis curie domini regis exprimebant, redimere debuisset cum eisdem tribus marcis coram nobis a magistro Jurizlao antedicto, Tali modo, quod si in ipsis octauis redimere negligeret uel non posset, extunc porcio eiusdem Stephani uidelicet tercia pars ipsius terre perpetuaretur eidem Jurizlao, in hunc modum, quod si iuxta estimacionem proborum virorum illa pars ipsis tribus marcis preualuerit, residuum pecunie supplere teneretur magister J. antedictus; idem Stephanus in predictis octauis dictas tres marcas non soluit, sed eidem magistro J. reliquit perpetuandam. Tali modo, quod in quindenis philippi et Jacobi apostolorum predictus magister J. super faciem dicte terre debet ducere comitem Martinum de Sabacrep (így)* et comitem Reynoldum de Korus, Item Morouch et Kylianum quos Stephanus adducet supradictus, qui in ipsa facie terre assistendo estimabunt dictam terram et si plus preualuerit ipsis tribus marcis, eidem Stephano supplere teneretur magister J. memoratus. partes vero die dominica post ipsam quindenam cum suis estimatoribus coram nobis comparebunt seriem facti recitantes. Datum in festo philippi et Jacobi apostolorum.

Kivűl: contra Stephanum filium Churnuk de Sothouch, pro magistro Jurizlao.

Hártyán, zárlatán kerek pecsét maradványaival; eredetije a m. tud. Akademia kéziratgyűjteményében, a Bossányi cs. oklevelei közt. Közli: Nagy Gyula.