Nos capitulum ecclesie Agriensis tenore presencium quibus expedit declaramus vniuersis memorie commendantes. Quod Ladislaus filius Johannis de Novalyad ad nostram personaliter accedens presenciam proposuit uiua uoce. Quod totam porcionem sue possessionis, in possessione Keerch tam hereditarie habitam quam titulo empcionis comparatam in Cumitatu noui Castri circa fluuium Harnad existentem cum omnibus vtilitatibus suis et pertinencys, sub eisdem metis et signis quibus ipse possederat, Elizabeth filie sue et Andree marito eiusdem genero suo dedisset et donasset, et coram nobis dedit et donauit in filios filiorum suorum perpetuo pacifice et irreuocabiliter possidendam pariter et habendam. Obligans se idem Ladislaus predictam Elizabeth filiam suam et Andream antedictum racione eiusdem possessionis ab omnibus inpetere nitentibus defensare propriis laboribus et expensis, et in pacfica possessione eiusdem possessionis indempniter conseruare. Datum feria quinta proxima post festum beati Mychaelis Archangeli. Anno domini m° ccc° decimo sexto.

A szepesi káptalannak 1327-ben „Andreas filius Conradi de Keerch de Comitatu Vywar” számára kiadott átiratából; néhai Hatos Gusztáv gyűjteményéből köz