Capitulum Ecclesie Transsiluane. Omnibus xpi fidelibus presentem paginam inspecturis salutem in omnium saluatore. Ad vniuersorum noticiam tam presencium quam futurorum harum serie volumus peruenire. Quod constitutis coram nobis Gabriele nobili de Toldalad (így) pro se et Paulo filio suo ab una parte, et Jacobo filio Chama de sancto Egidio pro se et magistro Nicolao dicto vos filio Emvch fratre suo ex altera, idem Gabriel confessus est oraculo viue vocis quasdam terras suas hereditarias duas Pulun et Iwankateleke vocatas in Comitatu de doboka existentes cum omnibus vtilitatibus et pertinencys earundem videlicet terris arabilibus pratis siluis nemoribus et aquis, sub eisdem metis et terminis antiquis prout idem Gabriel et pater suus tenuerunt et possederunt ab antiquo, de bona voluntate et consensu ac asensu dicti Pauli fily sui, vendidisse et tradidisse, et coram nobis vendidit et tradidit prefato magistro Nicolao dicto vos in duabus partibus, et ipsi Jacobo in tercia parte terrarum seu possessionum predictarum et per eos eorum heredibus heredumque suorum successoribus pro septuaginta marcis plene habitis et perceptis ab eisdem magistro Nicolao et Jacobo per eundem Gabrielem et Paulum filium suum, sicut est confessus, iure perpetuo et irreuocabiliter possidendas, tenendas, pacifice et habendas. Obligans se insuper idem Gabriel et Paulum filium suum ab omnibus processu temporum ipsos magistrum Nicolaum dictum vos et Jacobum filium Chama ac heredes eorum racione dictarum terrarum seu possessionum duarum pulun et Iwankateke (így) vocatarum, inpetere, inquietare, vel inpedire (nitentibus) per omnia expedire proprys laboribus et expensis et in pacifica possessione dictarum terrarum eosdem indefesse conseruare. In cuius rei testimonium et robor perpetuum ad instanciam et peticionem parcium predictarum literas nostras presentes concessimus sigilli nostri munimine roboratas. Datum feria sexta proxima post festum Pentecostes, Anno domini M°. C°C°C°. vicesimo secundo. Nicolao preposito, Sanco Cantore, Thoma Custode, Dominico Archidiacono de doboka decano Ecclesie nostre existentibus.

Hártyán, függő pecsét nyomaival; eredetije a gr. Wass cs. czegei ltárában, nr. 2. Közli: Fehérpataky László.