Nos Philippus palatinus, Judex Comanorum, Comes de Scepus et de vyuar damus pro memoria, quod in congregacione nostra generali, cum vniuersis nobilibus Comitatus de Zabolch feria secunda proxima ante asscensionem domini in fine ville Kallow celebrata Dominicus de Pozdun consurgens de medio vniuersorum dixit quod Nicolaus filius Petri de Kerechun, feria quarta proxima ante assumpcionem beate virginis cuius nunc septima reuolucio preteryt annualis, super possessionem suam Pozdun potencialiter ueniendo, spoliasset, res suas viginti marcas uallentes abstulisset, duodecim vero Jurati et quatuor Judices nobilium nec non tota communitas populorum in eadem congregacione existencium predictum Nycolaum hoc fecisse dixerunt per nos requisiti. datum tercio die congregacionis antedicte scilicet feria quarta. Anno domini M°. ccc°. xx°. quarto.

Kivűl: pro Dominico de Pozdun contra Nicolaum filium Petri de Kerechun, inquisitorie.

Hártyán, zárlatán nagy kerek pecsét nyomaival; eredetije a debreczeni ref. főiskola könyvtárában. Közli: Géresi Kálmán.