Nos capitulum ecclesie transilvane damus pro memoria, quod ad nostram accedens presenciam Nicolaus dictus Vos pro se et Jacobo filio Chama ac Ladizlao dicto Vos proximis et propinquis suis absentibus extitit protestatus, quod domina Agnes relicta quondam comitis Karachun nobilis de Kyde ac Johannes et Michael fily eiusdem domine quandam possessionem seu terram videlicet Kyde vocatam in ipsorum preiudicium et grauamen sine voluntate ac scitu ipsorum ut dixit, Stephano filio Fabiani de Bonchhyda vendidissent, seu cum filia predicte domine Agnetis sorore predictorum Joannis et Michaelis dedissent et donassent, unde predictus Nicolaus nomine suo et dictorum propinquorum suorum predictam dominam ac filios eiusdem prenotatos a vendicione seu dacione predicte possessionis seu terre et predictum Stephanum ab eiusdem occupacione, racione commetaneitatis seu vicinitatis prohibuit coram nobis. Dicens protestando per huiusmodi vendicionem seu eciam dacionem sibi et dictis proximis suis nullum debere preiudicium generari, quin tempore adveniente iusticiam ipsorum secundum eorundem facultatem prosecantur. Datum feria tercia proxima post dominicam letare. Anno domini M° CCC° XXX° secundo.

Kivűl: Protestacionalis pro Nicolao dicto Vos et Jacobo filio Chama ac Ladizlao dicto Vos proximis predicti Nicolai contra dominam Agnetem ac Johannem et Michaelem filios eiusdem domine Agnetis.

Hártyán, záró pecsét nyomaival; eredetije a gr. Wass cs. czegei ltárában. Közli: Deák Farkas.