Wyllermus Drugetter palatinus et Judex Comanorum sincere sibi dilectis magistro Gud vicecomiti suo de vng, Johanni filio Stephani, Nicolao filio Job et Banou de Tegene quondam (így) Judicibus nobilium de eodem dileccionem plenam. Noueritis quod cum iuxta continenciam priorum litterarum nostrarum vobis directarum inter Stephanum filium Philippi actorem et Thomam filium Symonis super huiusmodi altercacione inter ipsos facta, quod vos in eo, vtrum ipse Stephanus filius philippi personaliter coram vobis comparuerit, et ipsum Thomam filium Symonis de Judicys quibusdam et ablacione porcorum ac restitucione expeditum reddiderit uel ne, diligenter et fideliter indagando scita et cognita omnimoda veritate et specialiter de sigillo quarumdam litterarum vestrarum sub inpressione capitis sigilli nostri consignando vobis directarum et in trapello inclusarum nobis ad quindenas festi beati Georgy martiris rescribere debuissetis, tandem ipsis quindenis occurrentibus premisse partes coram nobis personaliter constituti vestras litteras nobis presentarunt, In quarum tenoribus reperimus, quod vos nullum finem de premissis uel responsum fecistis sed terminum nobiscum conferendi vobis postulastis ulterire (így) assignare. Super quo vestre fidelitati precipimus firmiter et districte quatenus in octauis natiuitatis beati Johannis beati Johannis (így) baptiste proxime venturis coram nobis comparere de premissis respondere et racionem reddituri (így) debeatis. Datum Bude octauo die termini prenotati. Anno domini M° CCC° xxx^mo septimo.

Kivűl: sincere sibi Dilectis magistro Gud vicecomiti de vng Johanni filio Stephani Nicolao filio Job et Banou de thegene quondam Judicibus nobilium de eodem.

Hártyán, zárlatán nagy kerek pecsét nyomaival; eredetije a Csicsery cs. ltárában. Közli: Nagy Gyula.