Nos Comes Paulus Judex Curie domini Regis damus pro memoria, quod Donch filius Nicolai de Bolog personaliter iuxta continenciam priorum litterarum nostrarum in octauis beati Georgy martiris ad nostram accedendo presenciam, contra Dyonisium Banum de Zeurinio in figura nostri Judicy quasdam litteras Capituli ecclesie Agriensis domino wyllermo druget palatino rescriptas nobis presentauit, in quarum tenoribus inter cetera possessionariam porcionem Gregory fily Symonis consobrini fratris eiusdem donch in possessione Bolugwasara existentem eidem Donch filio Nicolai tamdiu donec preallegatus Dyonisius Banus eandem pro se pro alia possessione equiualente per concambium ab eodem Donch recipere debeset, per Nicolaum dictum og hominem ipsius domini palatini presente ydoneo testimonio predicti Capituli Agriensis, predicto Donch filio Nicolai possidendum (így) statutam fore comperimus euidenter, adiciens idem Dunch, quod predictus Dyonisius Banus non assignata sibi aliqua alia possessione ipsum de eadem possessionaria porcione in Bolugwasara habita potencialiter et inordinate exclusisset, et quia Nicolaus filius Pauli procurator legitimus ipsius Dyonisy Bani pro eodem domino suo cum procuratoriis litteris nostris coram nobis astando, auditis et perceptis continencys ipsarum litterarum Capituli Agriensis seu eciam obieccionibus prefati Donch intellectis, in contrarium predictarum litterarum Capituli Agriensis et obieccionum prelibati donch respondere recusabat, ideo factum discussionis prefate cause ad octauas festi asscensionis domini nunc venturas cum granamine Judicy trium marcarum per ipsum Dyonisium Banum ante litis ingressum persoluendo peremptorie duximus prorogandum. Datum in wyssegrad octauo die termini prenotati Anno domini M° ccc° xxx^mo Octauo.

Kivűl: pro Donch filio Nicolai de Bolvgh contra Dyonisium Banum de Zeurinio ad octauas festi asscensionis domini prorogatoria.

Hártyán, zárlatán paizs alakú pecsét maradványaival; eredetije Lapispatakon, a Keczer cs. ltárában. Közli: Nagy Gyula.