Magnifico principi Villermo drugeth palatino et Judici Comanorum Conuentus Monastery sancti Benedicti de Juxta Gron oraciones pias in domino ac deuotas. Litteras vestre magnificencie recepimus omni honore quo decuit reuerenter, tenorem huiusmodi continentes. Viris religiosis et honestis Conuentui sancti Benedicti de Juxta Gron Amicis suis reuerendis Villermus Drugeth palatinus et Judex Comanorum amiciciam paratam debito cum honore. Vestram amiciciam petimus diligenter, quatenus vestrum mittatis hominem pro testimonio fide dignum, quo presente Martinus filius Emericy de Wyssen aut ipso absente dominicus de Chalkay homo noster in quindenis Pasce nunc uenturis Jacobum filium Mathye de Egrusd ad nostram uocet presenciam Contra Symonem filium Valentini et Johannem filium Anthony nobiles de Heluen, racionem de falsificacione priuilegy quod exhibuerant ydem Simon et Johannes redditurum, qui si uenerit et racionem reddiderit competentem benequidem, Alioquin finem debitum in facto parcium imponemus. Et posthec horum seriem ad octauas quindenarum predictarum nobis nostri gracia rescribatis. Datum in Wyssegrad in quindenis diei Cinerum. Anno domini M° CCC^mo xxx^mo Nono. Nos uero vestre magnificencie obedire cupientes ut tenemur, cum dominico de Chalka homine vestro, Salomonem Capellanum nostrum protestimonio duximus destinandum. Qui negocio bene peracto ad nes renersi nobis concorditer retulerunt, quod in quindenis diei Pasce Jacobum prenotatum contra predictos Symonem et Johannem ad vestram in dicta possessione sua Egrusd uocassent presenciam octauum diem predictarum quindenarum festi Pasce eidem assignantes pro termino comparendi coram uobis de falsificacione supradicti priuilegy racionem redditurum. Datum die proximo post festum sancti Georgy nostri (így). Anno domini prenotato.

Kivűl: Magnifico principi domino Villermo drugeth palatino pro Symone et Johanne de Heleuen Contra Jacobum filium Mathye. Aduocatoria ad octauum diem quindenarum festi pasce.

Hártyán, zárlatán pecsét nyomaival; eredetije Pozsonyban, az ág. hitv. evang. lyceum könyvtárában. Közli: Fehérpataky László.