Nos magister Johannes Archydiaconus Borsadiensis vicariusque venerabilis in xpo patris domini Nicolai dei et apostolica gracia Episcopi Agriensis in spiritualibus generalis, Significamus vniuersis quorum interest uel intererit, presencium per tenorem, memorie commendantes. Quod domino Mychaele Sacerdote Rectore ecclesie de Chon cum litteris nostris procuratorys pro nobili domina relicta Nicolai fily Stephani de Sancto Georgyo de genere Thekele, filia videlicet Pauli de Coxow, Anna nuncupata ex vna, et Johanne filio vz pro se personaliter et pro Thoma filio Ithemer de sancto Georgio cum litteris procuratorys domini Herricy Plebani de Eperyes viceuicarii nostri de eadem, parte ab altera, coram nobis constitutis, per eundem Mychaelem sacerdotem vice et uerbo eiusdem nobilis domine propositum extitit et relatum, quod super omnibus causis suis et articulis earumdem, quas ipse racione dotis et rerum parafornalium dicte nobilis domine contra eosdem Johannem filium vz et thomam filium Ithemeri coram eodem domino nostro Episcopo et nobis Judiciario ordine usque modo mouisset uel in posterum mouere potuisset, et quam dotem et res parafornales de vniuersis possessionibus et porcionibus possessionaribus (így) ipsorum, scilicet Itefalua et alys similiter ad Itefalua pertinentibus in Comitatu de Sarus existentibus, vt premissum est, coram nobis quo supra requisiuit, ydem Johannes filius vz et thomas filius Itemer facta pecuniaria solucione quatuor marcarum compoti Cassensis, eidem nobili domine omnimodam congruam et condignam fecissent et inpendissent ymo et coram nobis fecerunt et inpenderunt satisfaccionem. Et dictus dominus Mychael sacerdos in persona eiusdem nobilis domine super dicta pecuniaria solucione contentus, annotatos nobiles de sancto Georgio ac posteritates ipsorum super dictis dotaliciis et parafornalibus rebus reddidit et reliquit vigore dictarum litterarum procuratoriarum expeditos pariter et absolutos. Insuper idem dominus Mychael vigore dictarum litterarum procuratoriarum obligauit eandem nobilem dominam et heredes suos, memoratos nobiles de sancto Georgio et posteritates ipsorum ab omnibus pretextu dotaliciorum et parafornalium rerum processu temporis inquietare nitentibus defendere et expedire laboribus suis proprys et expensis. Datum Agrie in Octauis sancti Georgy martiris, Anno domini M° ccc° xl^mo primo.

Hártyán, hátlapján kerek pecsét nyomaival; eredetije Lapispatakon, a Keczer cs. ltárában. Közli: Nagy Gyula.