Nos Wyllermus Druget Palatinus et Judex Comanorum Memorie commendamus, quod cum in quadam nostra generali Congregacione vniuersitati nobilium de Zabolch et de Bereg Comitatuum secunda feria proxima post quindenas festi Penticostes in villa Zahun celebrata, magistri Dominicus et Nicolaus fily Joob de medio vniuersorum nobilium personaliter exsurgentes proposuerunt eo modo, quod possessiones Berkez et Bodon vocate in Comitatu de Zabolch predicto existentes ipsorum essent hereditarie, et ad ipsos titulo Juris hereditary pertinerent. Cum nos super premissis possessionibus Judices nobilium Juratos assessores et vniuersos nobiles Comitatuum predictorum diligenter quesiuissemus, tandem ydem Judices nobilium Jurati assessores et vniuersi nobiles Comitatuum predictorum, easdem possessiones Berkez et Bodon vocatas ad ipsos filios Job pertinere et pertinuisse vnanimiter affirmarunt. Datum quarta die Congregacionis nostre et loco prenotatis (így). Anno domini M° CCC° XL° primo.

Hártyán, hátlapján kis kerek pecsét nyomaival; eredetije a Csicsery cs. ltárában. Közli: Nagy Gyula.