Nos magister Johannes archidiaconus Borsodiensis vicariusque venerabilis in xpo patris domini N. et apostolica gracia (így) episcopi agriensis in spiritualibus generalis, Significamus tenore presencium quibus expedit vniuersis, quod demetrio filio petri dicti Eze de Therene cum litteris procuratorys discreti viri domini Herricy Rectoris ecclesie de eperies viceuicary nostri de Comitatu Sarus, pro nobili domina relicta Stephani de finta filia videlicet predicti petri dicti Eze margareta vocata, ex una, et Johanne filio vz de Scentgiorg, parte ab altera, coram nobis personaliter constitutis, per eundem demetrium filium petri propositum extitit et relatum, ministerio viue uocis, quod super omnibus causis et articulis earumdem, quas ipsa nobilis domina racione dotis et rerum paraffernalium condam nobilis domine filie sue et consortis eiusdem Johannis fily Vz, absque heredum solacio vt dicitur iam defuncte, contra eundem Johannem filium vz iudicis ordine mouisset vsque modo coram dicto viceuicario nostro uel mouere potuisset in posterum, idem Johannes filius vz iuxta arbitrium et composicionem proborum virorum facta congruenti pecuniaria solucione sex marcarum, sibi omnimodam congruam et condignam fecisset et inpendisset, ymo coram nobis fecit et inpendit satisfaccionem, et idem demetrius filius petri in persona prefate nobilis domine super ipsa pecuniaria solucione sufficienter contentus, annotatum Johannem filium Wz et heredes suos super predictis dote et rerum paraffernalium (így) reddidisset et reliquisset et coram nobis reddidit et reliquit prorsus et per omnia expeditos pariter et quietos, testimonio presencium litterarum nostrarum et auctoritate, datum Agrie feria quinta proxima post octauas festi beati Jacobi apostoli, anno domini M° ccc° xl^mo secundo.

Papíron, hátlapján kerek pecsét töredékeivel; eredetije Lapispatakon, a Keczer cs. ltárában. Közli: Nagy Gyula.