Nos Stephanus woyuoda Transsylvanus et Comes de Zonuk memorie commendantes significamus tenore presencium quibus expedit vniuersis, Quod in congregacione nostra generali vniuersitati nobilium partis Transsyluane in quindenis diei medy quadragesime Thorde celebrata Nicolaus filius Jacobi fily Chama de medio aliorum consurgendo et quasdam literas Petri vicewoyvode nostri, quibus mediantibus causa sua ab octavis diei medy quadragesime, in anno domini M° ccc^mo xl^mo sexto preteritis, ad predictam nostram congregacionem, contra comitem Nicolaum filium Eymech dictum wos maiorem, Johannem et Ladislaum filios suos, Nicolaum, Ladislaum, Johannem, Petrum, Thomam et Deseu filios Johannis fily eiusdem Eymech fuisset prorogata, nobis exhibendo quasdam alias literas Nicolai quondam woyuode Transsyluani, Anno Domini M°. ccc^mo xl^mo tercio confectas nobis demonstrauit, In quibus accionem eiusdem Nicolai fily Jacobi fily Chama, in congregacione ipsius Nicolai quondam woyuode feria secunda proxima ante festum ascensionis domini Thorde celebrata contra Nicolaum et Ladislaum filios Johannis fily Eymech Johannem et Ladislaum filios Comitis Nicolai dicti Wos hoc modo propositam vidimus contineri, quod ydem Nicolaus Ladislaus et Johannes et alter Ladislaus quatuor possessiones Zenth Iwan, Zenthgotharth, Chegue et Zazsciluas vocatas in quibus tercia pars ipsum de iure attingeret, contra prohibiciones ipsius Nicolai fily Jacobi legitimas inter se diuisissent simulcum rabus Trecentas marcas valentibus in eisdem possessionibus receptis et ablatis, ipsum pure et simpliciter in porcionatum relinquendo, unde licet ydem Nicolaus et Ladislaus dicti wos Johannes et Ladislaus fily Ipsius comitis Nicolai maioris similiter wos dicti in ipsa congregacione Nicolai condam woywode personaliter assurgentes sepedictum Nicolaum filium Jacobi cum ipsis in una generacionis linea esse asseruerint, tamen quia ipsi absque eodem comite Nicolao maiore dicto wos contra prelibatum Nicolaum filium Jacobi se non posse respondere allegassent, ob hoc idem Nicolaus quondam woyuada ipsam causam ad octauas festi Nativitatis sancti Johannis baptiste ad villam sancti Emerici taliter prorogasset, quod ydem Nicolaus Ladislaus Johannes et alter Ladislaus cum eodem Comite Nicolao maiore dicto wos vel eius procuratore contra predictum Nicolaum filium Jacobi super facto diuisionis dictarum possessionum peremptorie responsuri pro parte tenerentur et sic ipsa causa vsque ad hec tempora, ut diuerse littere causales per ipsum Nicolaum filium Jacobi exhibite nos informabant, fuisset dilatata. Quibus sic omnibus premissis perceptis prenotati Johannes et Ladislaus fily comitis Nicolai dicti wos maioris personaliter pro se et prelibatus Nicolaus Junior dictus wos filius Johannis fily Eymech similiter pro se personaliter et pro predictis fratribus suis et specialiter pro predicto Comite Nicolao maiore dicto wos filio Evmech cum sufficientibus procuratorys litteris Capituli Ecclesie Transsyluane consurgendo, duo paria litterarum excellentissimi principis domini Karoli condam Illustris Regis Hungarie felicis recordacionis patencium in consona sentencia loquencium in anno domini Millesimo trecentesimo quadragesimo confectarum vnum videlicet sub maiori et aliud sub anulari sigillis demonstrarunt in hac forma: Nos Karolus... stb. (Károly király levelét annak eredetije után közölve, lásd föntebb, 209. sz. a.) Nos igitur visis dictarum litterarum domini Karoli Regis continencys prefatum Comitem Nicolaum dictum Wos maiorem et filios suos racione predictarum possessionum per ipsum dominum Karolum Regem ex sua Regia benignitate eidem Comiti Nicolao exceptis personis fratrum et consanguineorum suorum collatarum in dicta causa per ipsum Nicolaum filium Jacobi ut premittitur mota, contra formam premisse Regie gracie non presumpsimus Judicare ymo eidem Comiti Nicolao dictas possessiones pacifice et quiete prout per ipsum dominem Karolum Regem eidem sunt collate permisimus possidere iuxta continenciam et vigorem litterarum Regie maiestatis predictarum. In cuius rei memoriam perpetuamque firmitatem presentes litteras nostras concessimus privilegiales pendentis sigilli nostri authentici munimine roboratas. Datum in predicta Thorda quinto die congregacionis nostre prenotate, Anno domini Millesimo C°C°C° quadragesimo Septimo.

Nagy alakú hártyán, függő pecsét nyomaival; eredetije a gr. Wass cs. czegei ltárában, Lit. Q. nr. 22. Közli: Deák Farkas.