Nos Conuentes monastery sancti Egidy de Symigio memorie commendamus per presentes, quod magister Johannes filius Gregory de Boor vnacum Laurencio, Nicolao, Clementino, Blasyo (Gregorio) et anthonyo filys suis ab una parte, Ladislaus filius Mathey de Swl gener eiusdem ab altera, coram nobis personaliter constituti, ydem magister Johannes filius Gregory quandam particulam possessionariam de eadem possessione sua Boor vocata in Comitatu Symigiensi existenti sub distinccionibus infrascriptis sequestratam seu separatam, videlicet ab angulo sanctuary ecclesie beati Nicolai confessoris de eadem Boor, a plaga meridionali incipiendo sicut dixerunt, tendit versus Orientem et descendit ad vnam valliculam, de qua directe ad eamdem partem Orientalem per longitudinem vnius Jugeris terre eundo pervenit ad vnam viam, Juxta quam est dumus Ilicis meta terrea circumfusus in qua via flectitur ad meridiem et eundo pervenit ad vnam arborem Pomi siluestris meta terrea circumfusam, deinde parumper eundo ad eandem partem, peruenit ad dumum querci, sub quo est meta terrea de nouo erecta, de quo reflectitur ad Occidentem, et peruenit ad terram arabilem predicte ecclesie sancti Nicolay, Juxta quam incidit in vnam viam, in qua flectitur ad partem Septemtrionalem, et iuxta fundum Curie parochyalis sacerdotis de eadem villa Boor eundo peruenit ad Parietem predicte ecclesie sancti Nicolay et ad vnam fenestram eiusdem ecclesie cissam et ibi terminatur. Item quandam possessionariam porcionem suam in possessione Besenew vocata, in eodem Comitatu prope Balatinum existenti habitam ipsum Jure hereditario contingentem cum vniversis vtilitatibus et pertinencys suis seu sub eisdem...... et distinccionibus, quibus eadem consistit tempore ab antiquo et ipse ac eius predecessores possedissent cum domina Margareta vocata filia s.. in contractu matrimony ipsi ladislao tradita pro Jure eiusdem filie sue quartali prelibato ladislao filio Mathey et per eum suis heredibus, ab eadem procreatis et procreandis, confessus est dedisse donasse et contulisse, Jure perpetuo possidere, tenere, pariter et habere. Cuius quidem possessionarie donacioni et collacioni, per ipsum magistrum Johannem eidem domine et per eam prelibato ladislao ac eius heredibus vt premissum est facte, prememorati laurencius, Nicolaus, Clemens, Blasius, Gregorius et Anthonyus fily eiusdem magistri Johannis coram nobis personaliter conparendo consensum permissionis beniuolum prebuerunt et assensum. Datum sabbato proximo ante festum beati Georgy martiris. Anno domini M° ccc° xl^mo septimo.

Hártyán, hátlapján pecsét nyomaival; eredetije a gr. Khuen-Héderváry cs. ltban, „Viczay rész” fasc. 48. nr. 14. Közli: b. Radvánszky Béla.