Nos capitulum ecclesie Orodiensis damus pro memoria, quod Nicolaus et Petrus fily Pauli fily Heem suis ac Johannis Benedicti et Blasy fratrum suorum vterinorum in personis ad nostram presenciam accedendo dixerunt protestando, quod Nicolaus filius Bodur nunc ad ipsos contra litteras excellentissimi principis domini Lodouici illustris regis Hungarie per eundem eis datas super facto possessionum eorum Perdeve vocatarum faceret inquisicionem lite pendente inter ipsos, in cuius protestacionis testimonium presentes litteras concessimus communi iusticia suadente. Datum feria tercia proxima post octauas festi beati Andree apostoli, anno domini M^mo. ccc^mo. xl^mo. septimo.

Kivűl: Pro Johanne Benedicto Nicolao Paulo Petro et Blasio filys Pauli fily Heem contra Nicolaum filium Bodur super facto possessionum Perdeve, protestatoria.

Hártyán, zárlatán pecsét nyomaival; eredetijét a sümegi reáliskola bírja. Közli: Fehérpataky László.