Nos Blasius prepositus et Conuentus monastery sancte Crucis de Lelez damus pro memoria quod Thomas filius petri fily Both de Thornolch ac Johannes filius Ladislai fily eiusdem Both nostram adeundo presenciam per modum protestacionis nobis curarunt significare, quod predicti petrus et ladislaus patres eorum, Emericus et donch, Item Johannes dominicus Nicolaus et Jacobus fily predicti petri, Item Briccius et Nicolaus fily Emerici super facto vnius molendiny in fluuyo hung habiti in dicta possessione Thornolch existentis cum magistris Nicolao Comite de Vng et Johanne druget filys quondam Johannis palatini ac cum filys ipsius magistri Nicolay composicione (így) ordinassent et fecissent ipsum molendinum inter se diuidendo et participando, quos ipsi ab huiusmodi composicione et ordinacione ac diuisione et participacione seu percepcione ac Inquisicionalium suarum litterarum cassacione et anichilacione prohibent ymo et prohibuerunt coram nobis predictam composicionem prorsus et per omnia reiterando. datum die dominico post festum beate Marie Magdalene Anno domini M° CCC° XL^mo octauo.

Kivűl: Pro Thoma filio petri fily Both et Johanne filio Ladislai fily eiusdem Both super facto molendini in fluuio vng habiti prohibitoria.

Papíron, zárlatán kerek pecsét nyomaival; eredetije a Csicsery cs. ltárában. Közli: Nagy Gyula.