Nos Nicolaus Kont Regni Hungarie palatinus et Judex Comanorum, damus pro memoria, quod in congregacione nostra generali vniuersitati nobilium Gumuriensis et de Thorna comitatuum feria secunda proxima post quindenas festi beati Mychaelis Archangeli prope villam Thornalia celebrata Paulus magnus in persona nobilis domine Clara vocate consortis magistri Benkes de dicta Thornalia filie videlicet condam Thekes de Ilsuafew cum procuratoriis litteris nostris de medio aliorucn exsurgendo, proposuit tali modo, quod ipsa domina Clara de vniuersis possessionibus et porcionibus possessionarys nunc apud manus Johannis Stephani et dionisy filiorum eiusdem Thekes fratrum scilicet ipsius domine Clare habitis et existentibus, quartam suam filialem ab eisdem filys Thekes fratribus suis rehabere vellet iusticia mediante, quo audito Benedictus filius dominici in personis prefatorum Johannis Stephani et Dionisy filiorum Thekes cum procuratoriis litteris conuentus ecclesie de Jazow ibidem adherendo respondit exaduerso, quod duia prefatus Thekus excepta prescripta domina Clara adhuc duas filias habuisse dignossceretur, ydeo de predictis possessionibus prefati Thekes nunc apud manus filiorum eiusdem Thekus habitis prefate domine clare non plus nisy tantum modo tercia pars quarte filialys exinde proueniret, quam quidem terciam partem dicte quarte filialys de eisdem possessionibus predicti Thekus prescripti fily eiusdem Thekes iuxta regni consuetudinem possessionaria estimacione mediaute cum pecunia extradare prompti essent et parati. Quibus sic perceptis ipsis partibus benigne assumpmentibus commisimus decernendo, quod Nicolaus filius Mychaelis de Scarnafalua, vel Symon de orohuan, aut Johannes filius Andree de Ottrochook, siue Johannes filius dominici de napprad, an Johannes filius Petri de Thornalia pro parte prefate nobilis domine clare actricis, Item Gallus filius Bodor de Kouachy, vel Lachk aut Johannes de Varboch, siue Symon an Nicolaus de Lazzow, seu Barabas de Komiath pro parte predictorum filiorum Thekus in causam attractorum alys absentibus homines nostri presentibus testimonys dicti conventus ecclesie de Jazow, que per ipsum conuentum ad id presencium serie pro partibus transmitti postulamus, in octauis festi beati Georgy martiris proxime nunc venturis ad facies vniuersarum possessionum et porcionum possessionariarum prefati Thekus nunc erga manus predictorum filiorum Thekes existentibus (így), vicinis et commetaneis earundem vniuersis inibi legittime conuocatis, predictisque partibus....... procuratoribus presentibus accedendo reambulent easdem per veras suas metas et antiquas, reambulatasque et ab aliorum possessionarys Juribus distinctas et separatas in quatuor diuidant partes rectas et quoequales quarum rectam quartam partem visa ipsarum quantitate qualitate ftructuositate vtilitate et valore, vna cum alys probys viris regali mensura mensurando vel si mensurari nequiret visu considerando deo pre oculis habito estiment in condigno suo precio et valore regni lege requirente. Et posthec ipsius possessionarie diuisionis et estimacionis seriem cum tocius inibi peragendi negocy processu ut fuerit expediens ad octauum diem earundem octauarum festi beati Georgy martiris partes in litteris dicti conuentus de Jazow in Curiam Regiam nobis reportare teneantur vt tunc vnacum prelatis et baronibus regni nobiscum assistentibus terminum solucionis dicte tercie partis prescripte quarte filialys prefate domine Clare de dictis possessionibus patris sui ut premittitur a prefatis filys Thekes fratribus racione sue quarte filialys sibi prouenientis eisdem filys Thekes assignare valeamus congruentem Jure requirente. Datum sexto die congregacionis nostre predicte in loco memorato. Anno domini m° ccc° lx^mo quarto.

Kivűl: Pro filys Thekus de Ilsuafew contra nobilem dominam clara vocatam consortem magistri Benkus de Thornalia super possessionaria estimacione in octauis festi beati Georgy per nostros et conuentus ecclesie de Jazow homines modo intrascripto facienda. Memoriale et octauo die ad iudicem.

Papíron, zárlatán kerek pecsét maradványaival; eredetije Lapispatakon, a Keczer cs. ltárában. Közli: Szádeczky Lajos.