Nos Capitulum ecclesie Castriferrei damus pro memoria, Quod cum secundum seriem et continenciam litterarum Magnifici viri Comitis Stephani Bubek Judicis Curie domini Lodouici dei gracia Regis Hungarie domini nostri, adiudicatoriarum exinde confectarum Johannes de Koltha quinquagesimo se nobilibus sibi similibus In octavis dyey Cynerum nunc preteritis contra Johannem dictum Cheh filium dominici de kuthus coram nobis super eo, quod ipse litteralia iustrumenta ipsius Johannis dicti Cheh super possessionibus eiusdem empticis impignoraticis et aquisiticys specialiter in facto possessionum suarum Haholth Zygeth et Werus vocatarum confecta, ac omnes litteras suas causales et obligatorias nec non vnum Balteum et alias res suas quamplurimas feria quinta proxima post festum beati luce euangeliste in anno domini M^mo ccc° lx^mo tercio in domo Pauli Curriciferi domini Nicolai Archiepiscopi Strigoniensis in Vissegrad habita subtrahy non fecisset et quod ipse in totali aquisicione prefati Johannis dicti Cheh in quaternis litteris Inquisitorys scilicet dicti Comitis Stephani Judicis Curie Regie, domini palatini, magistri Tauarnicorum et Comitis Capelle Regie contenta innocens existat penitus et inmunis, sacramentum prestare debuisset, Tandem Ipsis octauis occurrentibus prescriptus Johannes de koltha cum suis coniuratoribus ad nostram personaliter accedendo presenciam contra prelibatum Johannem dictum Cheh et presente eodem Johanne dicto Cheh Juxta continenciam premissarum litterarum Judicis Curie Regie super premissis suum prestitit sacramentum coram nobis vt debebat. Datum sequenti die octavarum diei Cynerum predictarum Anno domini M° ccc° lx^mo sexto.

Kivűl: pro Johanne de koltha contra Johannem dictum Cheh de kuthus Super Juramentali deposicione coram nobis facta Memorialis.

Hártyán, záró pecsét nyomaival; eredetije a gr. Khuen-Héderváry cs. ltban, „Viczay rész” fasc. 48. nr. 18. Közli: b. Radvánszky Béla.