Nos Nicolaus Konth Regni Hungarie Palatinus et Judex Comanorum Memorie commendamus, Quod cum in congregacione nostra generali vniuersitati nobilium Abawyuariensis et de Sarus Comitatuum feria secunda proxima ante festum beati Egidy Abbatis prope Ciuitatem Cassa celebrata, Symonem filium Pouka in Poufalua in possessionaria porcione Donch fily Bartholomei de Zebenye, vt dicitur, per Nicolaum filium Alberti de Komlous ipsi Donch inpignorata residentem in numerum proscriptorum malefactorum per Juratos assessores dicte Congregacionis nostre in Registro nobis assignatum, idem Donch de predicta possessionaria porcione se eximendo, ipsum Symonem captiuare et nobis ad inferendum debitam penam iuxta eiusdem demerita statuere non curauit obhocque ipsam possessionariam porcionem, in qua iam dictus Symon in dicta Poufalua mansionem ac residenciam faciebat personalem, nostris Judiciarys manibus iusticia mediante applicassemus occupando, Tandem Georgius filius Jacobi de Komlous predictam nostram adeundo presenciam, annotatam possessionariam porcionem nostris manibus aplicatam sibi racione linee generacionis propinque redimere de Jure pertinere nobis declarauit supplicando, vt ipsam possessionariam porcionem sibi graciose redimere annueremus, iusticia suadente; vnde cum predicta possessionaria porcio racione non statucionis predicti Symonis ac pretextu non solucionis homagy ipsius Symonis in homagio eiusdem nostris manibus aplicata et occupata predicto Georgio filio Jacobi de Jure redimenda fore decernebatur, Ideo eidem Georgio ipsum homagium predicti Symonis in tredecim florenis aureis cum dimidio nobis plene persolutis graciose relaxando, prescriptam possessionariam porcionem iam dicto Georgio resignauimus, ymo dedimus et contulimus tenendam et habendam, tamdiu, donec per eos quibus magis ipsa possessionaria porcio quam ipsi Georgio pertinere dinosceretur, in premissis florenis redimeretur ab eodem. datum duodecimo die Congregacionis nostre predicte in loco memorato. Anno domini Millesimo ccc^mo lx^mo sexto.

Papíron, hátlapján kerek pecsét töredékeivel; eredetije Lapispatakon, a Keczer cs. ltárában. Közli: Nagy Gyula.