Nos Ladislaus dux Opulye Regni Hungarie palatinus et Judex Comanorum, damus pro memoria, quod causam quam dominus noster Rex pro quo Georgius litteratus cum procuratorys litteris eiusdem astitit, contra Johannem et Andream filios dominici, paulum dictum Ormos, ac Stephanum fratrem eiusdem pauli de Radach, pro quibus assumptores termini comparendo terminum assumpserunt, iuxta continenciam litterarum Conuentus de Jazow recaptiuatoriarum pariter et Citatoriarum, Super facto contradiccionis nouarum metarum ereccionis possessionum Castri Zakalya vocati in octauis festi Natiuitatis beati Johannis Baptiste mouere habebat coram nobis, racione prioritatis termini ad octauas festi beati Jacobi apostoli nunc venturas sine crastinacione statu in eodem duximus peremptorie prorogandam, datum in Wyssegrad octauo die termini prenotati anno domini Millesimo ccc^mo Lx^mo octauo.

Kivűl: Pro Johanne et Andrea filys dominici ac paulo dicto Ormos necnon Stephano fratre eiusdem pauli de Radach contra dominum nostrum Regem ad octauas festi beati Jacobi apostoli sine crastinacione prorogatoria.

Papíron, zárlatán kerek pecsét maradványaival; eredetije a Csicsery cs. ltárában. Közli: Nagy Gyula.