Capitulum ecclesie Jauriensis Omnibus xpi fidelibus presentibus et futuris presencium noticiam habituris Salutem in domino sempiternam. Quoniam res geste que aguntur (in tempore) ne cum eodem dilabantur litterarum patrocinio solent perempnari, proinde ad vniuersorum noticiam harum serie volumus peruenire, quod Paulus de Peryn(garn) seruiens Comitis Conradi de Wolfurth ab una, Item Stephanus condam Jacobi (így) Judicis Posoniensis, in sua et Pauli fratris sui vterini personis parte ab altera, coram nobis personaliter constituti, propositum extitit per eosdem et relatum ut ipsi animo deliberato et de possessionibus eorum seu curys infra (declar)andis tale inter se fecissent concanbium seu permutacionem et ordinassent perpetue duraturam, quod prefatus Paulus de Peryngarn quandam curiam suam liberam seu laneum integrum in Mosonio existentem empcionis tytulo ad ipsum deuolutam et per serenissimum principem dominum Lodowicum....... inclitum Regem Hungarie dominum nostrem naturalem mediantibus litteris suis priuilegialibus ab omni debito collecta et exaccione pro tempore emergenti (penitus) exemptam seu exemptum, cum agris et campis, macello, molendino duarum rotarum ac pomerio, siluis, arundinibus ubique existentibus (cum) altris interfossata a danubio vsque arundineta fines vltimales habentibus ad predictam curiam seu laneum spectare debentibus ac insulula (így) ibi existenti ac alys quibuslibet vtilitatibus et pertinencys eiusdem vniuersis quocunque nominis vocabulo vocitatis sub eisdem libertatibus et libertatum prerogatiuis quibus idem paulus ex speciali gracia Regie maiestatis actenus habuisset et possedisset, predictis Stephano et Paulo filys Jacobi Judicis et eorum heredibus heredumque suorum successoribus dedisset tradidisset et donasset iure perpetuo et irreuocabiliter possidendam tenendam et habendam, seu possidendum et habendum. E conuerso vero idem Stephanus et Paulus fundum Curie ipsorum in Ciuitate Posoniensi ante claustrum beate virginis, videlicet retro curiam Nicolay Plekenheld situm et habitum cum omnibus edificys in eodem habitis cum redditibus perpetui census quatuor librarum singulis annis de quibusdam mansionibus in platea Slutorgaz vocata extra muros Ciuitatis Posoniensis prouenire debentibus nec non alys quibuslibet utilitatibus, eidem prefato Paulo de Peryngarn et per eum suis heredibus heredumque suorum successoribus, dedissent tradidissent et contulissent similiter Jure perpetuo et irreuocabiliter possidendum, tenendum et habendum. ymo vnaque parcium alteri dedit et donauit coram nobis assummentes se mutuo et alternatim racione premisse concambialis permutacionis inter ipsos facte ab omnibus proximis eorum molestare volentibus semper et ubique defendere et expedire proprys eorum laboribus et expensis in dominio permutacionis conseruare. In cuius rei memoriam perpetuamque firmitatem presentes concessimus litteras nostras priuilegiales Sigillo nostro consignatas. Datum Sabbato proximo ante octauas festi beatorum Petri et Pauli apostolorum. Anno domini Millesimo Trecentesimo sexag............ Nycolao lectore Johanne Cantore et Dominico Custode ecclesie nostre existentibus, par autem earundem ad........

Hártyán, melyből egy darabot a pecséttel együtt kivágtak; eredetije a gr. Khuen-Héderváry cs. ltban, „Viczay rész” fasc. 48. nr. 17. Közli: b. Radvánszky Béla.