Nos capitulum ecclesie beati Martini de Scepus memorie commendamus quod Nicolaus filius Valentini de Mochula ad nostram personaliter accedendo presenciam nobis in sua et Erne fratris sui personis per modum prohibicionis et protestacionis curavit significare quod pridem David Ladislaus et Johannes filii Nicolai de eadem Mochula proximi ipsorum possessiones et possessionarias porciones eorum hereditarias ipsam Muchula et Bodusfolva nuncupatas, que alio nomine Vezveres et Varheg dicerentur, in comitatu Sarus existentes, Juxta novam donacionem domini nostri regis Lodovicy ipsis communiter factam, ab ipsa nova donacione ipsius domini regis nomina ipsorum Nicolai et Erne filiorum valentini nequiciose excludendo, ipsis statui et perpetuari procurassent in ipsorum preiudicium et grauamen, cum tamen universas expensas et labores in curia regia et eciam super facies ipsarum possessionum hominibus regiis et testimonys cum predictis David Ladislao et Johanne filiis Nicolai communiter fecissent et facerent in presenti, qua protestacione facta idem Nicolaus in sua et dicti Erne fratris sui personis prenominatos David Ladislaum et Johannem filios Nicolai ab huiusmodi nequiciosa perpetuacione fructuum et utilitatum ipsarum possessionum percepcione et se quovismodo intromissione prohibuit contradicendo et contradixit inhibendo coram nobis regni consvetudine requirente. Datum in dominica Reminiscere Anno domini M^mo CCC^mo septuagesimo.

Papíron, hátlapján kerek pecsét maradványaival; eredetije Lapispatakon, a Keczer cs. ltárában. Közli: Szádeczky Lajos.