Nos Emericus woywoda Transilvanus et comes de Zonuk damus promemoria, quod in congregacione nostra generali vniversitati nobilium et alterias cuiusvis status et condicionis hominum partis Tansiluane in octauis festi pasce domini Torde celebrata Johannes sartor famulus magistri Ladislai dicti Bulgar de Twsun pro eodem cum procuratoriis literis capituli transilvani de medio ceterorum in nostram personaliter exsurgendo presenciam in persona eiusdem domini sui proposuit eomodo quod Joannes filius Thome nobilis de Zenthywan racione furtive ablacionis et deduccionis trium equarum equacialium eiusdem magistri Ladislai dicti Bulgar unacum eodem in vna cabella valenti cum Poledro composicionem habuisset et tandem in termino in iure eidem assignato ipsam cabellam et poledrum eidem domino suo dare recusasset nuncque eodem Johanne filio Thome ab hac luce decedente super Ladislaum fratrem eiusdem Joannis ipsam equam et poledrum exequeretur et repetere vellet iure et iusticia mediante ab eodem. Quo percepto quia idem Ladislaus vnacum domino suo circa partes maritimas in servicys regalibus fore asserebatur ideo nos ipsam causam ad octauas festi nativitatis virginis gloriose proxime venturas ad perhemptoriam responsionem faciendam sine aliquo grauamine iudiciali duximus prorogandam. Datum nono die congregacionis nostre predicte in loco prenotato. Anno domini M° CCC° lxx° secundo.

Kivűl: pro magistro Ladislao dicto Bolgar de Twson contra Ladislaum fratrem Johannis filii Thome de Zenthywan ad octauas festi nativitatis virginis gloriose prorogatoria.

Papíron, záró pecsét nyomaival; eredetije a gr. Wass cs. czegei ltárában. Közli: Deák Farkas.