Nos magister Stephanus de Scarus magistri Georgii Bubek vicecomes et iudices nobilium Comitatus Gumuriensis, memorie commendamus, quod cum secundum formam litterarum magnifici principis domini Ladislai ducis Opulie regni Hungarie palatini et Judicis Comanorum convencionalium et obligatoriarum magister Ladislaus filius Stephani dicti Wrdengh de Terestene octo marcas denariorum conputi Cassensis Johanni filio Gregorii ac Mychaeli filio Jacobi Jobagionibus magistri Blasii de Zeech super facto sanguinum effusionibus et membrorum mutilacionibus ac rerum ablacionibus in duobus terminis videlicet medietatem dictarum octo marcarum in octauis festi, penthecostes et aliam medietatem in octauis festi beati Mychaelis post se se sequentibus sine crastinacione............. absque nona et decima partibus soluere debuisset coram nobis, tandem ipsis terminis occurrentibus, idem magister Ladislaus dictas octo marcas medietatem in octauis penthecostes et totidem medietatem in octauis festi beati Mychaelis archangeli eisdem prescriptis Johanni et Mychaeli plene persoluit et integre ut debebat coram nobis, quibus quidem solucionibus factis iidem Johannes et Mychael eundem magistrum Ladislaum super premissis omnibus commiserunt expeditum atque satisfactum tenore presencium mediante. Datum in Gumur feria secunda proxima post octauas dicti festi beati Mychaelis archangeli, anno domini M° CCC° LXX° secundo.

Papíron, hátlapján két kis kerek pecsét maradványaival; eredetije Lapispatakon, a Keczer cs. ltárában. Közli: Boynychich Iván.