Capitulum ecclesie Jauriensis Omnibus xpi fidelibus presentibus pariter et futuris presencium continenciam cernentibus Salutem in salutis largitore. Ad vniuersorum tam presencium quam futurorum noticiam harum serie uolumus fieri manifestum, Quod discretus vir magister Nicolaus de pok socius et concanonicus noster coram nobis personaliter constitutus in sua ac Jacobi fratris sui personis cuius onus idem magister Nicolaus in obligacione possessionis infra declarande super se assumpmendo astante sibi et consenciente coram nobis honorabili viro domino Synke preposito ecclesie sancti Adalberti martiris de Jaurino similiter socio et concanonico nostro, per eundem magistrum Nicolaum confessum extitit et relatum ministerio viue uocis in hunc modum, quod ipse possessionem ipsorum Vanyala, vocatam in comitatu vesprimiensi existentem cum uniuersis utilitatibus eiusdem scilicet terris arabilibus, fenetis, pratis, pascuis, siluis, nemoribus et omnibus obuencionibus ad eandem possessionem spectantibus discreto viro magistro Andree similiter concanonico nostro ac Nicolao rufo filys petri rufi de Kathk (így) nepotibus suis pro centum et quatraginta florenis aureis pignori obligasset et obligauit coram nobis talibus condicionibus interpositis et super se assumpmendo quod quousque pro premissis centum et quatraginta florenis aureis ab eisdem magistris Andrea et Nicolao filiis petri rufi ipsam possessionem, redimere posset contra quoslibet impetitores et agrauatores proprys suis laboribus et expensis in dominio eiusdem possessionis tenebitur conservare. Si vero aliqui fratres et consanguinei ipsius magistri Nicolai iuxta consuetudinem regni ipsam possessionem Vanyala temporum in processu ab eisdem filys petri rufi redimere vellent, tunc non aliter nisi pro centum et quatraginta florenis aureis redimere valeant atque possint, hoc non pretermisso quod si in dicta possessione Vanyala et suis prouentibus quoquomodo conseruare non posset, tunc alias in alys possessionibus suis tantas et tanti valoris ipsis dare et assignare teneretur. Si autem secus in prerilissis faceret extunc in duplo predictorum centum et quatraginta florenorum aureorum conuinceretur eo facto, et de bonis ipsius mobilibus et immobilibus vbilibet habitis predicti magistri Andreas et Nicolaus filii petri rufi absque omni strepitu litis, tam predictam pecuniam capitalem quam duplum earundem rehabere possent atque valeant ad quod se predictus magister Nicolaus in sua et dicti Jacobi fratris sui personis consenciente et permittente ipso domino Synke preposito spontanea sua voluntate obliganit coram nobis. In cuius rei memoriam firmitatemque perpetuam presentes eisdem domino preposito et Nicolao filiis petri litteras nostras priuilegiales concessimus nostri sigilli antentici munimine roboratas. Datum in festo sancte Elisabeth anno domini M° ccc° octuagesimo octauo. Honorabilibus et discretis viris dominis Andrea preposito decretorum doctore, Mychaele lectore, Joanne Cantore, demetrio Custode, ceterisque dominis et canonicis in prescripta ecclesia nostra Deo iugiter famulantibus et deuote.

Hártyán, piros-zöld selyem zsinóron függő ép pecséttel; eredetije a gr. Wass cs. czegei ltárában. Közli: Deák Farkas.