In nomine domini Amen. Anno eiusdem M^mo quatringentesimo. Ego vir discretus Stephanus presbiter filius petri dicti Gewbol de Thothkallo, Capellanusque Reuerendissimi in xpo patris domini Stephani condam Episcopi ecclesie Agriensis, diuino ductus feruore, cupiens ob ueniam nostrorum scelerum limina beatorum petri et pauli apostolorum proficisscy, de bonis nostris michi ad eo (így) collatis et acquisiticiis coram discreto viro domino Jacobo plebano de eadem Thothkallo, ac altero domino Jacobo plebano de Semyen, necnon alys probis viris infranominandis, Item nobilis domine relicte (így) magistri Stanislay huiusmodi duxi testamentariam ordinacionem faciendam, Quod primo librum meum Breuiarium lego et commito (így) ecclesie sancti Johannis Ewangeliste in dicta villa Tothkallo fundate, Item Cappam meam kek coloris existentem lego et commito Jacobo plebano de dicta Tothkallo, Item vnam Reuerendam nostram Chermelech dictam lego et commito eidem ecclesie beati Johannis Baptiste provt exinde Causulas ordinare faciant, Item vnam aliam Reuerendam meam Grisei coloris habitam cum mardurina subductam lego et commito kalendinis preciosissimi Corporis xpi et beate virginis Marie de ecclesia agriensi, vt pias exsequias pro anima nostra et pro animabus parentum nostrorum celebrare teneantur, Item aliam nostram Reuerendam harnaz dictam lego et commito domine consorti Johannis de Kallay de Semyen Glori mee, Item vnam aliam meam Reuereudam cuius pars superior est de panno kek et pars subductura est de panno alleo... aptum lego et commito Blasio nostro fratri, Item vnum Equum meum Roh coloris existentem lego et commito dorothee Elizabet et Neste vocatis Sororibus nostris pro uestitura, Item vnum Baltheum meum michi a patre nostro devolutum et XXII nodulos deauratos lego et commito dorothee, Item lego eidem dorothee vnum dyploidem et vnum puluinar magnum vlgariter derekal dictum, Item alium puluinar magnuni cum vno lectisternio de Cute aptum lego et commito Neste puelle nepotisse mee, Item omnia alia nostra lectisternia que sunt in nostris ladulis et que sunt extra ladulas lego et committo prefatis tribos puellis, Item duos pyleos nostros Galicales lego et commito Johanni et Andree de Senyen (így) proximis nostris, Item vnum paria Calceorum de panno kolonia sartitum lego et commito Ladislao literato registratori nostro, Item Ladislao dicto Oros Ciui de Nogkallo vendidi decem pecias panni ex quibus quatuor pecye sunt Colonie quatuor pecie Meincz et duo Bochemicales, in toto Quingentis florenis ad racionem breuem minus XVI florenis, ex quibus soluit michi in festo beatorum Symonis et Jude apostolorum Centum florenos breues, de alys vero tenetur soluere in festo beati Johannis Evangeliste post festum Natiuitatis domini, Item quinquaginta florenos ex predictis peconys (így) in precium predictorum pannorum debendos lego et commito ecclesie beate Marie virginis de Semyen vt ex hys necessitas eiusdem ecclesie succuretur (így), Item quinquaginta florenos de predictis pecunys lego et commito pro coopertura ecclesie beati Johannis Baptiste de Tohthkallo (így), Item similiter quinquaginta florenos lego et commito ecclesie sancte crucis de Nogkallo ita quod falaira (így) ipsius ecclesie expendatur, Item quinquaginta florenos lego et commito vt ex hys pauperculas puellas et orphanas maritare et copulare faciant, Item quinquaginta florenos lego et commito Blasio fratri nostro ita quod ex hys se ab inimicis defendat, Item viginti quinque florenos lego ad opus ecclesie beate Margarethe virginis de harangh, Et similiter XXV florenos lego ad opus ecclesie sancti Stephani de Nopkor, Item octoginta quatuor florenos de premissis pecunys lego et commito patri et Blasio fratri nostris, ac discretis viris petro archydiacono de Nogkallo, Jacobo plebano de Tothkallo, et Georgio dicto Santa Ciui de Nogkallo, vt post mortem nostram ex dictis pecunys pro anima mea pias exsequias et grata subsidia facere et celebrare teneantur, Item Johannes Isten dictus de Agria tenetur michi VIII florenis auri quos pecierat a me ad iter Romanum, ex quibus duos lego Caustro (így) beate Marie virginis in Agria, Item duos claustro beati Nicolai confessoris de eadem, Item vnum lego ecclesie beati Mychaelis Archangeli de eadem, Item vnum lego ecclesie beati Jacobi apostoli de eadem, Item vnum ecclesie beati regis Ladislai de eadem, Item vnum lego ecclesie sancti Stephani regis in Castro de eadem, Item Stephanus franciscy (így) de Bagath pecierat ad transitum Romanum VIII florenos auri, et post recessum Romanum domine consorti eiusdem Stephani credidi XIIII florenos per centum denarios, Et tandem eidem Stephano filio franciscy dedi vnum pelliceum valentem XIIII florenos per centum denarios, Econuerso autem idem Stephanus franciscy reliquit apud prouagio (így) vnam Cromenam vnum Baltheum et vnum Cyfum argenteum, que commisi patri nostro et Blasio fratri nostro ut redimat ab eis, Item Johannes de Zewles inpignorauit michi vnum Cyfum argenteum pro duobus florenis per centum denarios, et commisi ut redimat a patre et fratre nostro. Item vnum conseruatorium penne quod solent in pileo ferre de argento factum lego magistro Johanni filio Stanislai domino nostro, Item paulus condam Judex de agria inpignorauit mihi quatuor Cyfos argenteos pro XXVIII florenis per centum denarios, quos commisi vt de patre et fratre nostro redimat, Item domina Elena consors dominici inpignorauit mihi vnum Baltheum deauratum et duos Cyfos argentos in XXXV florenis per centum denarios et commisi vt redimat de patre et fratre nostro, Item valentino filio Blasy lego L. florenos per centum denarios et vnum Bambusium meum, Item omnia alia mea bona vbilibeth existencia lego et commito patri et Blasio fratri nostro. Executores vero huiusmodi testamenti nostri lego et commito discretos viros dominos petrum plebanum de Kallo, Jacobum plebanum de Semyen, Jacobum plebanum de Tothkallo, nobilem dominam relictam magistri Stanislay, Item prouidos viros Petrum Judicem patrem meum et Blasium fratrem meum, Item Georgium dictum Santa, Gregorium de Buken et petrum dictum Mykotha Ciues de kallo, rogo et peto eos tanquam dominos et patres nostros, vt si mihi nutu diuino in hac peregrinacione mori contingerit, extunc omnia premissa per me modo quo supra legata suo modo faciant et exsequantur et ad effectum perducere procurent.

Kivűl: Disposicio testamenti discreti viri domini Stephani presbiteri dicti Gewbul de Tothkallo.

Eredetije egy megcsonkított fél ívnyi papíros mind két oldalára írva, záró gyűrű-pecséttel ellátva, melynek közepében egy egyszerű kereszt látható, megvan a N. Muzeumban, a Kállay cs. ltárában. Közli: Nagy Gyula.