Nos Conuentus Monastery sancti Egidy de Symigio, memorie commendamus, quod Nobilis domina Elena vocata relicta condam Mychaelis fily Nicolai de vasad, sua ac Jacobi fily et Nobilis puelle Katherina nuncupate filie suorum a dicto Michaele domino et marito suo progenitorum in personis, quorum onera et grauamina in infrascriptis in se recepit et assumpsit, coram nobis conparendo, vineam suam ac eorumdem fily et filie suorum a prefato Michaele in ipsos Jure successorio deuolutam, in territorio ipsius possessionis vasad vocate in terra eorum propria adiacentem, cui ab oriente via, a meridie vallis Azohorha vocata, ab occidente vinea Johannis fily Nicolai et a septemtrione vinea filiorum Johannis Rufi dicuntur vicinari, Thome filio Petri prediali ecclesie nostre de dicta vasad pro viginti florenis centenariis presentis monete plene ut dixit ab eodem habitis et receptis, saluis Nonis partibus vinorum et muneribus consuetis eiusdem dictis Jacobo et Nobili puelle Katherine eorumdemque heredibus remanentibus, presento Elya filio ipsius Johannis Rufi de genere Mysel, qui se ac dyonisium et Petrum fratres suos ceterosque Nobiles de eadem vasad vniuersos huic vendicioni consensum beniuolum et assensum asseruit prebuisse, confessa extitit vendidisse et vendidit nostri in presencia et per eum suis heredibus et successoribus vniuersis Jure perpetuo et irreuocabiliter possidendam tenendam et habendam, assumpmens eundem Thomam et successores eiusdem in pacifico dominio ipsius vinee contra quoslibet inpetitores proprys suis laboribus et expensis conseruare, ad quod se sponte obligauit coram nobis. datum feria secunda proxima ante festum beatorum Philippi et Jacobi apostolorum. Anno domini Millesimo quadringentesimo octauo.

Hártyán, hátlapján pecsét nyomaival; eredetije az Ostfy cs. ltárában. Közli: Nagy Imre.