relacio Comitis Simonis de Rozgon.

Nos Sigismundus dei gracia rex hungarie dalmacie Croacie etc. Marchioque Brandenburgensis etc. Sacri Romani Impery vicarius generalis et regni Bohemie gubernator, Memorie commendamus per presentes, Quod nos de pietate regia que magis misereri solet quam vlcisci petrum de Chyzer et valentinum filium eiusdem nobiles Comitatus de vng a nota seu labe infidelitatis quam ipsi hys proxime elapsis disturbiorum temporibus adherendo quibusdam nostris infidelibus contra nostram maiestatem incurrisse perhibentur duximus expiandos, Capiti possessionibus et Juribus possessionarys hereditarys dumtaxat et non per nostram maiestatem Ipsis vel eorum predecessoribus datis et collatis que nobis reseruamus, necnon rebus et bonis suis vniuersis que sint Jura hereditaria et possessionaria aliaque quecumque bona eorundem quibuspiam fidelibus nostris hactenus perpetuo non contulissemus, graciam et miseracionem facientes specialem ymmo facimus presencium per vigorem. Ita tamen vt ipse se de cetero ab huiusmodi labe immunem studeat conseruare. Et quod ipsi ad vnam exercitualem nostram expedicionem quamprimum auspice domino quocumque Instaurandam possetenus proficisci et nobis fidelia seruicia exhibere inibi teneantur, alioquin prius nostra gracia in nullo videatur ipsis suffragari, harum nostrarum testimonio literarum. datum in visegrad sabbato proximo ante festum beati Galli confessoris anno domini Millesimo quadringentesimo nono.

Papíron, a szöveg alá vörös viaszba nyomott kerek pecsét maradványaival; eredetije a Csicsery cs. ltárában. Közli: Nagy Gyula.