Omnibus xpi fidelibus presentibus pariter et futuris presens scriptum inspecturis Capitulum ecclesie Agriensis Salutem in salutis largitore. Ad vniuersorum noticiam harum serie volumus peruenire, Quod cum nos honore quo decuit receptis litteris Serenissimi principis domini nostri Sigismundi dei gracia Illustris regis Hungarie pro parte virorum Magnifici Pauli Bisseni de Ezdege pridem Dalmacie Crouacie necnon Sclauonie Regnorum Bani ac Egregy magistri Stephani fily Gregory de Berench regie maiestatis sumpmi dispensatoris super Castro Torna et Ciuitate similiter Torna vocatis ac Tributo in eadem exigi consueto necnon cunctis villis infra limpide nominatim dicendis declarandis et exprimendis eisdem per regiam maiestatem tum in perhempnale concambium seu permutacionem Castri Kewkaproncha vocati ac cunctarum vtilitatum et pertinenciarum eiusdem in dicto Regno Sclauonie in Comitatu Crisiensi habiti et existencium dudum pro laude attollenda meritis et fidelibus obsequys ipsius Pauli Bani eidem et per eundem dicto magistro Stephano ipsorumque heredibus per regiam maiestatem in perpetuum dati et collatarum, tum eciam noue regie donacionis titulis emanatis et confectis nobisque loquentibus et directis, tenoribusque ipsarum visis et perlectis mandatisque ipsius domini nostri regis obedientes vt tenemur, vnacum ladislao filio Mychaelis de Nadasd, Johanne de Chabad, Georgio filio pauli de Zombor, Petro dicto Mochkos hominibus regys in eisdem domini nostri regis litteris inter alios nominatim conscriptis et expressis vnum ex nobis videlicet honorabilem virum dominum Benedictum Archidiaconum de hewes socium et concanonicum nostrum ad ea que in dictis litteris regys continentur perficienda nostro pro testimonio transmisissemus fidedignum, Tandem ipsi exinde ad nos reuersi nobis concorditer retulerunt isto modo, videlicet quod primo prefati Ladislaus filius Mychaelis de predicta Nadasd ferys tercia quarta et quinta post sese sequentibus proximis post festum beati Ambrosy confessoris vnacum dicto testimonio nostro ad facies predicti Castri Torna et Ciuitatis similiter Torna vocatarum ac Tributi in eadem exigi consueti necnon villarum Wdwarnyk Luchka Barka Saybylise Bognarvagasa alio nomine vyfalu deserta ac vyfalu populosa Rako Kapolna Berchefelde in Tornensis (így), Meggyes Zent-Jacab Debrethe Wizlow Rakacha Zenthystwan alio nomine warmus in Borsodiensi, item Kwbli Pomlen Ench Inanch in Abawyuariensi, Alsowbenye Felsewbenye alio nomine Erdewbenye Zegy in Zempleniensi, Raas in Gwmeriensi, Johannes de predicta Chabad similiter cum dicto testimonio nostro feria sexta sabbato et die dominico inmediate post se se sequentibus proximis dicbus supradictis ad facies memoratarum villarum Kwbli Pomlen Ench Inanch in predicto Comitatu Abawyuariensi, Georgius autem filius Pauli de Zombor cum eodem nostro testimonio ferys secunda tercia et quarta similiter post se se et inmediate sequentibus ad facies sepefatarum villarum Alsowbenye Felsewbenye alio nomine Erdewbenye et Zegy vocatarum, quippe dominicus prefato nostro testimonio presente ferys quinta sexta et sabbato videlicet in vigilia penthecostes ville Raas vocate in Comitatibus suprascriptis habitarum et existencium ac cunctarum vtilitatum et pertinenciarum predicti Castri et Ciuitatis Tributi et villarum suprascriptarum vniuersis vicinis et commetaneis omnium predictorum inibi legitime conuocatis et presentibus accedendo pretitulatos Paulum Banum Besseni de Ezdege ac magistrum Stephanum filium Gregory de Berench iamdictos in dominium eiusdem Castri Ciuitatis et Tributi in eadem exigi consueti necnon villarum iam prescriptarum ac cunctarum pertinenciarum et vtilitatum omnium supradictorum introduxissent pretactumque Castrum cum supradictis Ciuitate Tributo et villis cum vniuersis vtilitatibus et pertinencys eisdem sub premissis concambialis permutacionis ac noue regie donacionis titulis statuissent perpetuo possidendum tenendum paritet et habendum, congruis diebus et horis ad id aptis et sufficientibus in facie premissorum commorando nullo penitus contradictore apparente. In cuius rei memoriam firmitatemque perpetuam presentes concessimus litteras nostras priuilegiales appensione sigilli nostri maioris et autentici communitas et alphabeto intercisas. Presentibus tamen Briccio preposito, Johanne de Sutha Cantore, Johanne Custode dominis, Item Nicolao de Borsod, Jacobo de Patha, Johanne de Pankotha, Ladislao de Tarchafew, Andrea de Borswa Archidiaconis et alys multis vitam ducentibus in dicta ecclesia nostra iugiter deo famulantibus. Datum sedecimo die diei Introduccionis et Statucionis prenotatarum, Anno domini Millesimo Quadringentesimo decimo. Regnante predicto Serenissimo principe domino nostro Sigismundo dei gracia Illustri rege Hungarie, venerabili in xpo patre domino Johanne permissione diuina Archiepiscopo Strigoniensi, Collocensi ecclesia tunc vacante, Sedeque Episcopali dicte ecclesie nostre protunc errante.*

Hártyán, kék-sárga selyem zsinóron függő pecséttel; eredetije Lapispatakon, a Keczer cs. ltárában. Közli: Nagy Gyula.