Nobilibus viris dominico de Laztoulch vicecomiti nostro Comitatus Abawyuariensis ipsiusque vices gerentibus Item Judicibus nobilium eiusdem Comitatus, Emericus de paaloch Castellanus de dyosgewr et Comes dicti Comitatus Abawyuariensis etc. dileccionem sinceram ac amiciciam paratam cum honore. Refert nobis Nobilis vir Ladislaus filius Clementis de Barch, quomodo ipse Juxta continenciam litterarum vestrarum adiudicatoriarum in proxima sedis vestre Judiciarie nunc proxime affutura (így), contra Religiosum virum dominum Abbatem de Zeplak Juramentum prestare deberet et teneretur, tamen ipse in seruicio regali exercitu in confinio regni polonie est constitutus et occupatus, obhoc ipse prescriptum Juramentum minime deponere possit et valeret. Igitur vestris commisimus dileccionibus et amicicys quatenus deposicionem prefati Juramenti ipsius Ladislai fily Clementis de Barch contra annotatum dominum abbatem in proximo deponere debendam statu in eodem absque omni grauamine ad octauas festi beati Georgy martiris nunc venturas prorogare debeatis. Secus non facturi. datum in Leuche secundo die festi Epiphaniarum domini Anno eiusdem domini M^mo Quadringentesimo vndecimo.

Papíron, belűl gyűrű-pecsét nyomaival; eredetije a Máriássy cs. ltárában, Idegen Okm. 419. Közli: Nagy Imre.