Nos Sigismundus dei gracia Romanorum Rex semper augustus ac hungarie etc. Rex, Memorie commendantes tenore presencium significamus quibus expedit vniuersis, Quod nos consideratis fidelitatibus et fidelium seruiciorum meritis fidelium nostrorum Pauli fily magistri Jacobi litterati de Wzfalwa, Laurency fily Quirini de eadem, Benedicti fily Bartholomei de Thamasfalwa ac Andree et Laurency filiorum Johannis de Kis Ida, fratrum condiuisionalium dictorum Pauli et Laurency de prefata Wzfalwa, per ipsos maiestati nostre locis et temporibus opportunis exhibitis et impensis, volentes ipsis pro huiusmodi eorum seruicys fidelibus et obsequys regio occurrere cum favore, in aliqualem recompensam fidelitatum ipsorum homilemque supplicacionis eorum instanciam hanc graciam ipsis ac heredibus eorum perpetue duraturam duximus faciendam, vt ipsi et eorum tota posteritas simul et singillatim in vniuersis eorum possessionibus intra ambitum regni nostri vbilibet et in quibusuis Comitatibus erga manus eorum proprias habitis et habendis, patibula et alia condigna tormentorum ergastula erigendi instaurandi et conseruandi, vniuersosque fures vispiliones predones homicidas ceterosque quoslibet nociuos homines tam incendia quam alia malefactorum genera perpetrantes et intra terminos earumdem ipsorum possessionum in ipsorum huiusmodi prauis processibus reprehensos et repertos quemlibet ipsorum iuxta eius demerita et publici criminis facinora captiuandi tormentandi iudicandi et condigna supplicy lima ferrendi et corrigendi, suspensionisque laquec necandi decollandi et mutilandi, cunctaque cetera in huiusmodi causis et casibus iuxta regni nostri consuetudinem fieri solita peragendi et rite disponendi liberam plenam et omnimodam habeunt facultatem temporibus successiuis vniuersis ex presenti gracia annuencia et concessione nostre maiestatis presencium patrocinio mediante, quas in formam nostri priuilegy redigi faciemus dum nobis in specie fuerint reportate. datum Bude feria secunda proxima ante festum Exaltacionis sancte Crucis, anno domini Millesimo quadringentesimo duodecimo, Ragnorum autem nostrorum anno hungarie etc. vigesimo quinto, Romanorum vero secundo.

Zsigmond királynak a bent nevezettek számára még ugyanazon évben „octauo kalendas mensis octobris” kiadott privilegialis átiratából, melynek hártyára írott eredetije, a zöld- és rózsaszínű selyem zsinóron függött pecsét híjával, megvan Lapispatakon, a Keczer cs. ltárában. Közli: Nagy Gyula.