Nos Petrus filius Georgy Sos dicti de Sowar recognoscimus per presentes vniuersis quibus ostenduntur, Quod nobilis puella Sophia filia Johannis Sos dicti patruelis videlicet nostri de dicta Sowar, coram nobis personaliter constituta est confessa oraculo viue uocis, Quod sibi nobilis domina Margareta consors Symonis similiter Sos dicti fratris scilicet ipsius nobilis puelle Sophia vocate, de dicta Sowar, tempore quo ipsa nobilis puella ab eadem domina Margareta ad nos moratura recedendo peruenisset, vnum Baltheum argenteum, vnum Crinale lapidibus margaritis ordinatum, vnum Crinale nyakbawethew vocatum, vnum lectum cum omnibus attinencys plumalibus cussinis lintraminibus necnon paplan vocatis, prout ad filiam Baronum pertineret, ac alia communia et singula sua bona, que in ipsam paterne et materne successioni fuissent devoluta, restituisset reddidisset et ad manus suas plene et integre assignasset, super quorum quidem rerum et bonorum predictorum restitucione et habicione eandem lominam Margaretham solutam quitam et expeditam ipsa puella Sophia reddidisset et conmisisset, ymo reddidit et conmisit coram nobis testimonio presencium mediante. Datum in dicta Sowar in festo natiuitatis Beati Johannis Baptiste. Anno domini Millesimo quadringentesimo decimo quinto.

Papíron, belől pecsét maradványaival; eredetije Markusfalván, a Máriássy cs. ltárában, Idegen Okm. 458. Közli: Nagy Imre.