Serenissimo principi domino Sigismundo dei gracia Romanorum Regi semper augusto ac Hungarie etc. Regi domino ipsorum metuendo Capitulum ecclesie Nitriensis oraciones in domino debitas et deuotas. Litexas vestre Serenitatis amonitorias et euocatorias Sigillo vestro maiori quo ut rex hungarie utimini consignatas nobis preceptorie transmissas noueritis nos sumpmo cum honore recepisse in hec uerba: Sigismundus Dei gracia Romanorum Rex semper augustus ac Hungarie etc. Rex, fidelibus suis Capitulo Ecclesie Nitriensis Salutem et graciam. Dicit nobis Sebastianus filius Andree de degh, quomodo quedam litere expeditorie pro ipsius ac Egidy et Johannis fratrum suorum carnalium partibus, in facto cuiusdam sentencie in qua ydem contra et adversus Stephanum petrum paulum Jacobum et Nicolaum filios pauli dicti Bessenew de Galantha alias in nostre maiestatis speciali presencia ordine Judiciario fuissent innodati, emanate, nec non diuersa literalia Instrumenta factum possessionum ipsius et signanter possessionis Gelyenfalw vocate tangencia, erga manus Sebastiani fily Thome dicti Ablanch de Kyskyrth habentur, quas et que Idem Sebastianus ad plurimas ipsius peticiones eidem reddere et restituere non curasset nec curaret de presenti in ipsius preiudicium et dampnum valde magnum. Super quo fidelitati vestre firmiter precipiendo mandamus, quatenus vestrum mittatis hominem pro testimonio fide dignum, quo presente Mychael aut Andreas de Loch sin alter Mychael seu Stephanus de Barch siue Georgius neue petrus de Bechen, alys absentibus homo noster ad prefatum Sebastianum filium Thome accedendo ammoneat eundem uerbo nostro, ut ipsedictas literas expeditorias pro parte annotati Sebastiani fily Andree et fratrum suorum predictorum in facto iam fate sentencie emanatas, nec non literalia Instrumenta factum dicte possessionis Gylyenfalw et aliarum possessionum ipsius Sebastiani tangencia, apud ipsum ut dicitur habitas et existencia, eidem Sebastiano reddere et restituere debeat et teneatur. Qui si reddiderit benequidem alioquin euocet eundem Sebastianum filium Thome contra annotatum Sebastianum filium Andree nostram in presenciam ad terminum competentem racionem de premissis redditurum. Litis pendencia si qua foret inter ipsos non obstante. Et post hec ipsam ammonicionis et euocacionis seriem cum nomine euocati terminoque assignato nobis fideliter rescribatis, presentes quoque Sigillo nostro maiori quo ut rex hungarie utimur fecimus consignari. datum Bude secundo die festi beate Anne, Anno domini M^mo CCCC^mo XVI^mo, Regnorum nostrorum Anno Hungarie etc. XXX^mo Romanorram vero sexto. Nos igitur mandatis Vestre Serenitatis obedire cupientes ut tenemur unacum prefato Mychaele de Loch homine vestro, nostrum hominem videlicet discretum virum Andream Chan dicte ecclesie nostre presbiterum ad premissa peragenda nostro pro testimonio transmisimus fide dignum, qui demum exinde ad nos reuersi nobis concorditer retulerunt, quod ipsi in festo beate Marie Virginis de Niue ad prefatum Sebastianum de Kyrth accedendo, eundem in dicta Kyrth personaliter repertum ad premissa ammonuissent uerbo uestre maiestatis. Quiquidem Sebastianus id facere recusasset asserendo, quod hoc uerum foret, quod dicte litere et literalia Instrumenta apud ipsum essent, sed easdem et eadem pro conseruacione earundem simulcum suis literalibus Instrumentis ad Castrum Gymes nicolao forgach assignasset, que nunc ab eodem nequaquam habere posset, unde facta predicta ammonicione ipsi ibidem et eodem die predictum Sebastianum filium Thome contra annotatum Sebastianum filium Andree ad octauas festi assumpcionis beate Virginis nunc venturas vestre Serenitatis evocassent in presenciam racionem de premissis redditurum, premisse litis pendencia si qua foret inter ipsos non obstante. datum sexto die diei ammonicionis et Euocacionis predictarum. Anno domini supradicto.

Kivűl: Domino Regi pro Sebastiano filio Andree de deegh contra Sebastianum filium Thome de Kyskyrth ad octauas festi assumpcionis beate Marie Virginis Ammonicionis et Euocacionis Relacio.

Eredetije a gr. Khuen-Héderváry cs. ltban, „Viczay rész” fasc. 48. nr. 25. Közli: b. Radvánszky Béla.