Sigismundus Dei gracia Romanorum Rex semper Augustus ac Hungarie Dalmacie Croacie etc. Rex etc. Fidelibus nostris uniuersis prelatis baronibus Comitibus Castellanis nobilibus, Castellanis eorumque officialibus, Item Ciuitatibus et liberis uillis ipsarumque Rectoribus Judicibus et villicis, quibus presentes ostenduntur, Salutem et graciam. Dicit nobis fidelis noster Sebastianus de deeg aule nostre familiaris in sua ac demetry fily Nicolai de Torozmel Conradi fily Bartholomei nec non danidis fily Georgy de Gilyenuasardya patruelium fratrum suorum personis, quomodo nonnulli forent ex vobis, qui suos Jabagiones, habita licencia depositisque prius iustis eorum terragys et persolutis debitis, ad possessiones ipsorum commorandi causa transire volentes, diuersis calumpnys adinuentis libere abire non permisissent et uec permitterent de presenti in ipsorum preiudicium ymmo verius in nostri generalis decreti superinde una cum prelatis et Baronibus nostris editi vilipendium et derogamen multum graue. Et quia nos ipsum nostrum decretum, in eo videlicet ut uniuersi homines populares tam nostri regales quam aliorum quorumuis, qui habita licencia depositisque prius iustis eorum terragys et persolutis debitis ad quorumcunque possessiones commorandi causa transire voluerint, simul cum uniuersis ipsorum rebus et bonis eundi et redeundi liberi sint semper et existant, ratum et inconcussum obseruare et per quemlibet uestrum obsernari facere intendimus, Ideo fidelitati vestre firmiter precipiendo mandamus quatenus amodo in antea et deinceps huiusmodi Jobagiones vestras qui ut prefertur, habita licencia depositique (így) prius iustis eorum terragys et persolutis debitis ad possessiones memoratorum Sebastiani de deeg, nec non demetry Conradi et Dauidis commorandi causa transire voluerint, libere pacifice et absque omni impedimento calumnia quauis in hac parte postposita abire permittatis et permitti faciatis, saluis eorum rebus et personis, alioquin vigore presencium committimus fidelibus nostris Comitibus vel Vicecomitibus illorum Comitatuum, in quibus fortassis huiusmodi Jobagiones non permitterentur, ut ipsi huiusmodi mandatorum nostrorum transgressores rad plenariam obseruacionem eorumdem, cum eorumdem dampnis et grauaminibus in talibus fieri solitis arcius compellant et astringant nostre maiestatis in persona et auctoritate presentibus ipsis in hac parte attributa mediante, aliud non facturi, presentibus perlectis exhibenti semper restitutis. datum Constancie in festo beati petri apostoli ad Kathedram, Anno domini M^mo CCCC^mo XVII^mo regnorum nostrorum anno hungarie etc. XXX. romanorum vero septimo.

Hártyán, a szöveg alatt pecsét maradványaival; eredetije a gr. Khuen-Héderváry cs. ltban, „Viczay rész” fasc. 40. nr. 27. Közli: b. Radvánszky Béla.