Serenissimo principi domino Sigismundo dei gracia Romanorum regi semper Augusto ac Hungarie etc. regi domino ipsorum metuendo Conuentus Monastery sancti Egidy de Symigio oracionum suffragia deuotarum, vestra noverit Serenitas, Quod cum nos receptis literis viri magnifici Comitis Petri de Peren Judicis Curie vestre adiudicatoriis modum et formam sue Judiciarie commissionis in se exprimentibus per ipsumque nobis directis amicabiliter per nos receptis, et iuxta earundem continenciam vnacum Johanne filio Andree de Kelewyz pro parte dominici sartoris vestre regie maiestatis de Zenth Benedek Actoris, Item Thoma filio Zenthe de Twr pro parte Nobilis domine Katharina vocate relicte condam magistri petri alias de Tethen nunc vero de dicta Twr, in causam atracte, honorabilibus viris nostros homines videlicet fratres Nicolaum et Blasium sacerdotes duos ex nobis pro vtrisque partibus prescriptis nostris pro testimonys duxissemus destinandos, qui tandem exinde ad nos reuersi nobis concorditer retulerunt quod ipsi octauo die festi Natiuitatis virginis gloriose proxime preteriti ad faciem prescripte possessionis Zenthbenedek alio nomine Morhardfeldew vocate et per consequens quarumdam terrarum arabiliam per Georgium et Johannem filios petri Kaythar Jobagiones ipsius Nobilis domine in dicta Twr commorantes peraratarum vicinis et commetaneis dicte possessionis Zenthbenedek vniuersis inibi conuocatis et congregatis ac ipso magistro dominico sartore, Item Gregorio de Twr legitimo procuratore ipsius Nobilis domine presentibus accessissent, et iuxta Judiciariam commissionem iamfati Judicis Curie vestre et literarum eiusdem adiudicatoriarum continenciam antedictam primo Nicolaus filius Pauli, Romanus filius dyonisy, petrus filius Beke de Twr, Mychael filius Pauli, Gregorius filius Nicolai, Nicolaus filius alterius pauli de eadem, Jacobus filius petri de Tard commetanei, Item Georgins filius dominici de Chepel, Andreas filius Pauli, Jacobus filius Nicolai de halyagosdh, franciscus filius pauli, Georgius filius Nicolai de dicta halyagosdh necnon Stephanus filius dominici, Mychael filius Stephani et Georgius filius petri de eadem vicini, per ipsam Nobilem dominam pro sui parte illuc conuocati et congregati simul semel et ad invicem per viam communis Inquisicionis requisiti extitissent, ydem ad fidem eorum deo debitam fidelitatemque vobis et sacre corone regie vestre obseruandam tacto prius singillatim crucis ligno prestitam, odio fauore et amore parcium prescriptarum postergatis sed solum deum et eius Justiciam pre oculis eorum habendo, id fassi et attestati extitissent, quod prescripta terra arabilis per ipsos Georgium et Johannem Jobagiones antefate Nobilis domine modo premisso perarata Castrensium wlgo Warfeldew appellaretur extitisset et nunc eadem eidem Nobili domine et filys suis pertinere deberet essetque et existeret hereditaria, pro parte autem dicti dominici actoris prescripti vicini et commetanei inibi fassi et attestati minime extitissent. Et horum seriem ad octauas dicti festi Natiuitatis beate Marie virginis legitime perdurandam vestre Serenitati per ipsas partes duximus reportandam, datum quarto die diei Execucionis premissorum, Anno domini Millesimo quadringentesino decimo septimo.

Papíron, hátlapján pecsét nyomaival; eredetije Nagy Pálnál, Csepregen, Sopron vmben, fasc. 38. nr. 2. Közli: Nagy Imre.