Commissio propria domini Regis.

Sigismundus Dei gracia Romanorum Rex semper Augustus, ac hungarie, Dalmacie, Croacie etc. Rex, fidelibus nostris Magnificis palatino et Judici Curie nostre vestrasque vices in Judicatu gerentibus, cunctis eciam alys Regni nostri Judieibus et Justiciariis ecclesiasticis videlicet et secularibus presentes visuris Salutem et graciam, fidelitati vestre firmiter precipimus et mandamus; quatenus causam inter fideles nostros Sebastianum filium Andree de deeg aule nostre familiarem ac Demetrium filium Nicolai de Thorozmel ut actores ab una, et Johannem ac Stephanam filios Ipoliti de Moruzfalwa super facto eorumdem possessionis Moruczfalwa vocate in Comitatu Nitriensi habite, ut in causam attractos ab altera partibus coram nobis vertendam et habitam, semper tociens quociens necesse et oportunum fuerit, in eisdem octauis ad quas ipsa coram vobis uel altero vestrum fuerit prorogata, absque ulteriori illegitima qualibet prorogacione non obstantibus quibuseunque alys nostris uel reginalibus seu aliorum quorumcunque litteris in harum contrarium quomodolibet datis vel dandis, partes inter easdem adiudieare decidere et fine debito concludere et terminare debeatis. Secus non facturi in premissis, presentes eciam post lecturam earumdem semper reddi iubemus presentanti. Datum Constancie in festo beati Francisci Confessoris, anno domini M^mo CCCC^mo XVII^mo, regnorum nostrorum anno hungarie etc. XXX primo, Romanorum uero Septimo.

A szöveg alatt pecsét nyomaival; eredetije a gr. Khuen-Héderváry cs. ltban, „Viczay rész” fasc. 48. nr. 10. Közli: b. Radvánszky Béla.