Nos Nicolaus de Gara Regni Hungarie palatinus et Judex Comanorum Memorie conmendamus, Quod nobis quinquagesimo die octauarum festi beati Georgy martiris vnacum Regni nobilibus pro faciendo moderatiuo Judicio causantibus in sede nostra Judiciaria sedentibus Briccius filius Benedicti de Pazon in sua nec non Johannis fratris sui vterini ac Nobilis domine Margaretha vocate filie Nicolai fily Thyvadar matris, Item Georgy fily eiusdem Nicolai necnon vicency et Stephani filiorum eiusdem Georgy ac Ladislai fily condam Stephani de Chazar personis nostram veniens in presenciam per modum protestacionis nobis significare curauit, Quod prout ipsi percepissent vitus de vaya, dauid Martinus et dominicus de Bezded, quoddam predium ipsorum Bogda vocatum in Comitatu Zathmariensi existens ipsos omnis Juris titulo concernens a domino nostro Sigismundo Rege noue sue Regie donacionis Titulo ipsis in perpetuum dare et conferre niterentur. Vnde facta huiusmodi protestacione memoratum vitum de vaya, dauid, Martinum et dominicum de Bezded et alios quoslibet ab Impetracione et sibi ipsis statuifaccione seque in dominium eiusdem Intromissione fructuumque et quarumlibet vtilitatum percepcione vel percipifaccione prefatumque dominum nostrum Sigismundum Regem a donacione predicti predy Bogda factis vel fiendis suo et aliorum supradictorum nominibus prohibuit coram nobis. datum Vacye secundo die termini prenotati, Anno domini Millesimo quadringentesimo vigesimo secundo.

Hártyán, hátlapján pecsét nyomaival; eredetijét Reviczky Bay Ilona asszony bírja. Közli: Nagy Imre.