Commissio propria domini regis.

Sigismundus dei gracia Romanorum Rex semper Augustus ac Hungarie Bohemie Dalmacie Croacie etc. Rex, fidelibus nostris Magnifico Nicolao de Gara dicti Regni nostri Hungarie palatino vestrasque in Judicatu vices gerentibus Salutem et graciam. Quia fidelis noster Stephanus filius Jacobi dicti Dobo de Ruzka familiaris fidelis nostri dilecti Reuerendi in Xpo patris domini Georgy Archiepiscopi Strigoniensis, sub Banderio eiusdem domini Archiepiscopi in exercitum nostrum Regium per nos auspice domino versus partes nostras Transalpinas contra Turcos instauratum hac uice exercituancium more asseritur fore profecturus, ob hoc ipse duellari dimicacioni que inter ipsum Stephanum filium Jacobi ab vna, et inter Martinum filium Johannis de Lezthemer ab alia partibus, Juxta continenciam literarum vestrarum adiudicatoriarum super factis in eisdem contentis quadragesimo secundo die octauarum festi beati Michaelis Archangeli nunc venturi coram vobis in Curia nostra Regia, in loco ad id apto et consueto, fieri deberet, interesse non valet, Igitur fidelitati vestre firmiter precipiendo mandamus, quatenus premissam duellarem dimicacionem partes inter predictas vt predicitur coram vobis termino et loco in premissis fieri debendam Statu in eodem absque omni grauamine et variacione aliquali ad quadragesimum secundum diem octauarum festi Epiphaniarum domini nunc affuturarum prorogare debeatis et differre. Secus non facturi. Datum Bude feria quinta proxima ante festum Natiuitatis virginis gloriose. Anno domini M° CCCC° XXVI°, Regnorum nostrorum anno Hungarie etc. XXXX°, Romanorum XVI° et Bohemie septimo.

Papíron, a szöveg alá vörös viaszba nyomott kerek pecsét maradványaival; eredetije Lapispatakon, a Keczer cs. ltárában. Közli: Boynychich Iván.