Nos Conuentus Monastery beati Michaelis Archangeli de Chorna Memorie commendamus quod Nicolaus filius Stephani de Kysfalud ad nostram personaliter veniendo presenciam reposuit coram nobis tres marcas denariorum presentis monete regalis dukath nominatorum, in redempcionem porcionis sue possessionarie in possessione peecz vocata in Comitatu Jauriensi existente erga manus Ladislai fily petri dicti Thekes de paztor et nobilis domine consortis eiusdem in ipsis tribus marcis titulo pignoris habite, ammonendo eosdem coram nobis facie ad faciem repertos, vt easdem tres marcas ad se recipere et dictam porcionem suam possessionariam impignoraticiam remittere et resignare deberent et tenerentur. Qui quidem Ladislaus et domina premissa ex racionabilibus causis facere se non posse retulerunt, propter quod prefatus Nicolaus eosdem Ladislaum et dominam ab vlteriori conseruacione et vsu predicte porcionis possessionarie prohibuit et inhibuit coram nobis testimonio presencium mediante. Datum feria quinta proxima ante festum beati Michaelis archangeli Anno domini M^mo Quadringentesimo vigesimo Nono.

Papíron, hátlapján pecsét nyomaival; eredetije a Kisfaludy cs. ltárában. Közli: Nagy Imre.