Nos magister Martinus filius Bartholomei de betleenfalua vicecomes* et quatuor Judices nobilium Comitatus Scepusiensis damus pro memoria, Quod cum iuxta continenciam aliarum litterarum nostrarum prorogatoriarum Stephanus filius Petri de polanc alias babarethy feria secunda proxima ante festum natiuitatis Xpi accioni Nicolai filii pauli wz de Wzfalua in..... proposite, Quomodo ipse Nicolaus vnam Curiam suam Jobagionalem in dicta possessione polanc alias bebarethy appellata habitam et adiacentem pro quadam Summa pecunie iuxta continenciam litterarum honorabilis Capituli Scepusiensis pignori Stephano prenotato obligasset eandem pro, eadem summa pecunie in quodam Sacculo coram nobis deposito redimere voluisset ab eodem, respondere debuisset. Ipso siquidem termino occurente prefatus Stephanus...... pro predicto vero Nicolao petrus dictus langen cum litteris nostris procuratorys comparuerunt, preallegatus Stephanus ante suam responsionem eundem petrum procuratorem ipsius Nicolai requisitum habendo, quis et in qua linea Jobayo ipsius Nicolai haberetur. Qui respondendo dixit quod blasius nomine in linea occidentali ipsius possessionis polank alio nomine babareti vocate a parte possessionis Pancraczfalua nominate more Jobayonali Curiam Jobayonalem ipsius Nicolay inhabitaret. In contrarium vero predictus Stephanus respondendo dixit, Quod dictus blasius Jobayo et Curia sua Jobayonalis in quadam particula terre quam aws ipsius Stephani, polan nomine, precio comparasset iure perpetuo possidendam, haberet et resideret. Et eundem Blasium pro pignore non haberet sed hereditario Jure, et hoc cum litteralibus suis Instrumentis in Curia domini nostri Regis coram domino Pallatino in termino per nos sibi dando promptus et paratus esset comprobare. Ad quod faciendum assignauimus eisdem partibus octauas Epiphaniarum domini nunc proxime affuturas premissa per ipsum Stephanum probaturum. Datum in Suburbio Castri Scepusiensis feria Secunda prenotata. Anno domini millesimo quadringentesimo vicesimo nono.

Kivűl: Domino palatino pro Nicolao filio Pauli Wz de Wzfalua contra Stephanum filium petri de polyanc ad octauas festi Epiphaniarum domini nunc venturas in Curiam domini nostri regis transmissionalis.

Zárlatán három gyűrű-pecsét nyomaival; vízfoltoktól rongált eredetije Lapispatakon, a Keczer cs. ltárában. Közli: Boynychich Iván.