commissio propria domini Imperatoris Emerico de Marczaly Magistro curie referente.

Sigismundus dei gracia Romanorum Imperator semper augustus ac Hungarie Bohemie Dalmacie Croacie etc. Rex.

Magnifice fidelis nobis sincere dilecte. Acceptis litteris tuis per hunc famulum tuum Maiestati nostre tui parte allatis, earumque continencys, sed et intimatis tuis per ipsum famulum tuum coram nobis sermone vocali propositis et relatis, sane et per omnia intellectis, volumus et tuam fidelitatem seriose requirimus et rogamus, Eidem nichilominus firmissime mandantes committimus, quatenus circa tuicionem defensam et tranquillam conservacionem parcium nostrarum Transsiluanarum iuxta nostram disposicionem et commissionem tibi factam, vnacum ceteris illarum parcium fidelibus, contra insultus seuissimorum Turcorum, qui pluribus iam vicibus hys proximis diebus in partibus nostris inferioribus more lupi rapacis captis predis, ipsas partes nostras Transsiluanas subintrare et depredare moliuntur, tam sollerter cum diligentique ac solicita cura inuigiles et attendas, vt eisdem partibus nostris Transsiluanis et per consequens earum incolis per insultum ipsorum Turcorum periculum non contingat euenire. Scire nichilominus te volumus, quod audito nouissime et percepto obitu illius condam fidelis nostri sincere dilecti Magnifici Mathius de paloucz Regni nostri Hungarie palatini, cor nostrum non modici doloris aculeo existit sauciatum. Et ex alio opportet nos in sollempnitate Coronacionis Serenissime domine Barbare Conthoralis nostre carissime, feria secunda proxime affutura, domino concedente in Castro nostro Pragensi cum Corona pretacti Regni nostri Bohemie feliciter fiende, letari et iocundari; peractisque auspice domino in ipso Regno nostro Bohemie cunctis nostris negocys, non post multi temporis fluxum cum ingenti Bohemorum exercitu, quem iam de facto disposuimus, in ipsam Regnum nostrum Hungarie contra predictos Turcos fortiter processuri reuertemur et proficiscemur, de omnibus et singulis hys que tutelam et tranquillum statum eiusdem Regni nostri Hungarie concernunt, modis melioribus quibus, poterimus prouisuri. Datum Prage secundo die festi beate Dorothee virginis. Anno domini M. cccc. xxx. septimo. Regnorom nostrorum anno Hungarie etc. L^mo. Romanorurn XXVII. Bohemie XVII. Impery vero quarto.

Kivűl: Magnifico Petro Cheh de Lewa wayuode parcium mostrarum Transsiluanarum, fideli nobis sincere dilecto.

Zárt alakban, vörös viaszba nyomott záró pecsét nyomaival; eredetije az orsz. ltár kincst. osztban, Limbus. Közli: Nagy Gyula.