Magnifico viro domino Comiti Ladislao de palocz Judici Curie Regie Amico eorum honorando Capitulum Ecclesie Agriensis Amiciciam paratam cum honore, vestra nouerit Magnificencia Quod nos litteras vestras honore quo decuit recepimus in hec verba: Amicis suis Reuerendis Capitulo ecclesie Agriensis Comes Ladislaus de palocz Judex Curie Regie Amiciciam paratam cum honore, dicitur nobis in personis Sigismundi de Chetzer ac Nobilium dominarum Katherina sue, Cristina Stephani Thibold de darocz et Justina Johannis de Cheb consortum, Item Nicolai Andree Ladislai Mathie ac Benedicti filiorum, necnon puellarum Dorothea et Anna vocatarum filiarum suarum, quomodo ipsi hys disturbiorum temporibus metu eiusdem temporis diuersarum periclitacionum, quasdam certas res earum, videlicet duas Cruces, vnam ipsarum de puro auro, alteram argenteam et deauratam de lignis viuifice Crucis in se habentem, quatuor torqueria, septem clenodia wlgo Nasfa de puro auro super ipsa torqueria cum gemmis et lapidibus preciosis, Item vnam aliam torquem tredecim Nasfa in se continentem, quatuor Balthea super Mayocz existentem, vnam Cupam deauratam quatuor Marcas argenti in se continentem, aliam Cupam absque auro duas Marcas minus media continentem, duos Ciphos argenteos duas marcas et vnceas (így) vigintiquinque in se habentes, Item omnia litteralia eorum instrumenta factum possessionum tangencia, Egregio Akus de Chap causa conseruacionis dedissent, quas vel que ad plurimas ipsorum exponencium peticiones dictus Akus reddere noluisset, ymmo recusaret de presenti et potencia mediante apud se conseruaret, In preiudicium dictorum exponencium valdemagnum. Super quo vestras amicicias presentibus petimus diligenter quatenus vestrum mittatis hominem pro testimonio fidedignum, quo presente Colomanus Blasius Michael filius Nicolai de Kerez Jacobus Thomas sew Nicolaus de Ramoczahaza Michael Mathias et Valentinus de Lewe sin Anthonius de Rozwagh ac Michael de esdem Gregorius Martinus de Kysfalud petrus de Baczka an Jacobus Mako alys absentibus homo regius ab omnibus quibus incunbit meram de premissis experiatur veritatem quam tandem nobis amicabiliter rescribatis. Datum Bude feria secunda proxima ante festum Kathedre beati petri apostoli, anno domini Millesimo quadringentesimo XL^mo septimo. Nos itaque peticionibus ipsius vestre Magnificencie amicabiliter inclinati vnacum prefato petro de Baczka homine regio nostrum hominem videlicet honorabilem virum magistrum petrum de helmecz socium et concanonicum nostrum ad premissa peragenda nostro pro testimonio transmisimus fide dignum, Qui tandem exinde ad nos reuersi nobis concorditer retulerunt, Quomodo ipsi feria sexta post festum resurreccionis domini proxime preteritum in Comitatu de Wngh simul procedendo ab omnibus Nobilibus, et ignobilibus ac alterius cuiusuin status et condicionis dicti Comitatus hominibus a quibus decens et opportunum extitisset palam et oculte diligenter de premissis inquirendo omnia premissa et queuis premissorum singula sic facta fuisse et esse sciuissent et comperissent quemadmodum ipsi vestre Magnificencie dictum extitisset et tenor litterarum vestrarum per omnia contineret prescriptarum, datum decimo die diei Inquisicionis antedicte, anno domini supradicto.

Kivűl: Domino Judici Curie Regie. Pro Sigismundo de Chychyr et alys intrascriptis contra Akus de Chab (így) Inquisicionis relacio.

Papíron, zárlatán kerek pecsét nyomaival; eredetije a Csicsery cs. ltárában. Közli: Nagy Gyula.