Nos prelati Barones Nobiles et proceres Regni Hungarie vniuersi Memorie commendamus per presentes, Quod cum nos ad instantem et legittimam peticionem Sigismundi de Chycher in sua ac Petri Job et Thome dicti Oroz de eadem Chycher (így) per eum nobis porrectam, nostrum hominem videlicet Johannem de Belezna vnacum Georgio de Thetwes palatinali et paris de Zenthandras Judicis curie Regie hominibus, ad infrascriptam Inquisicionem faciendam nostro pro testimonio transmisissemus fidedignum, qui tandem exinde ad nos reuersi nobis concorditer retulissent eo modo, Quod ipsi Sabbato proximo ante festum Natiuitatis Beati Johannis Baptiste in hac Ciuitate Budensi in simul procedendo a Nobilibus Comitatus de Saros qui ad presentem nostram Congregacionem generalem pestiensem de prefato Comitatu Saros aduenissent, talem de subscriptis sciuissent certitudinis veritatem, Quomodo Gaspar dictus polnyczar Judex, Georgius Zyz, alter Georgius dictus pap, Nicolaus Grwman, Johannes Wechay, Nicolaus carma, petrus (dictus) Sewn, Nicolaus Serator, Cherbes, Georgius pellifex, Ambrosius Bylek, Johannes Blwm, Andreas Melcher, petrus Crempnyczer, Gregorius Kezmark, paulus Gewrkler, Georgius swogor, Thomas sutor, Erdelybyka ceterique Ciues et Inhabitatores Ciuitatis Eperyes feria tercia proxima ante festum ascensionis domini proxime preteritum quasdam particulas notabiles terrarum arabilium Siluarumque ac fenilium seu pratorum intra metas possessionum ipsius Sigismun diac fratrum eiusdem predictorum Radacz et Bezdenke ac predy dobrowa vocatarum in prescripto Comitatu de Saros existencium adiacentes pro se ipsis a manibus eorum minus iuste et indebite occupando in pluribus locis earundem signa metalia absque alicuius loci credibilis Testimonio sed solum propria ipsorum auctoritate in apparentes metas erexissent potencia mediante in Ipsorum Sigismundi petri Job et Thome Juris preiudicium et damnum multum magnum. Datum Bude predicta secundo die diei Inquisicionis prenotate, Anno domini Millesimo quadringentesimo quinquagesimo.

Papíron, a szöveg alá vörös viaszba nyomott kerek pecsét nyomaival; eredetije a Csicsery cs. ltárában. Közli: Nagy Gyula.