Serenissimo principi domino Ladislao electo Regi Hungarie domino ipsorum gracioso, demetrius de Pan vicecomes et Judices nobilium Comitatus de Vngh Obsequium perpetue fidelitatis. Vestre Serenitati serie presencium declaramus, Quod Juxta limitacionem propriam et verbalem commissionem petri daczo de Ewr adiudicando commiseramus eo modo, Quomodo Stephanus de Homenna (így) contra prefatum petrum daczo de dicta Ewr Solus propria sua in persona In quindenis datarum presencium Super eo, Quod Idem Stephanus de Homenna eundem Petrum daczo In Camera Cussionis denariorum In Wnghwar habita Quatuor, Mensibus integris continue Juxta continue suarum litterarum pacifice conseruauit et quod Idem Stephanus de Homenna eidem petro daczo Centum et quinquaginta florenos auri minus vno floreno auri non obligaretur, et quod Idem Stephanus de Homenna ipsius petri daczo attinencias ad ipsam Camaram pertinentesCentum florenos auri valentes non recepisset et non fecisset recipere potencia sua mediante, Juramentum deponere debuisset coram nobis, Sed quia prelibatus Stephanus de Homenna quasdam litteras Magnifici domini Comitis ladislai de Palocz Judicis curie vestre Serenitatis preceptorias nobis exhibuit in quarum tenoribus vidimus contineri, Quod ipse Stephanus de Homenna nos in hac causa haberet Judices suspectos referendo Et licet nos ipsam causam parcium Juris equitate obseruante (így) discusserimus tamen ipse Stephanus de Homenna nullatenus nostrum Judicium se assumpmere referebat, Nosque Magnifici domini Comitis ladislai de palocz mandatis obtemperantes, predictam causam parcium ob maioris Justicie euidenciam vestre Serenitatis in presenciam gravamine absque omni transmisimus discuciendam, Octauas festi beati Jacobi apostoli proxime nunc venturas partibus pro terminis coram vobis comparendi assignando. datum in Kapws Sabbato proximo post festum beate Scolastice virginis ac Martiris Anno domini Millesimo Quadringentesimo Quinquagesimo primo.

Kivűl: domino Regi pro Petro daczo de Ewr, Contra Magnificum Stephanum drwgeth de Homenna, ad octauas festi beati Jacobi apostoli proxime nunc venturas modo intrascripto, Transmissio Cause.

Papíron, zárlatán egy kissebb s egy nagyobb gyűrű-pecsét nyomaival; eredetije a Csicsery cs. ltárában. Közli: Nagy Gyula.