Nos Ladislaus de Gara Regni Hungarie palatinus et Judex Comanorum Memorie commendamus, Quod Nicolaus de Wzwasar nostram personaliter veniens in presenciam sua ac Gregory carnalis, Item Mathei Laurency Ladizlai et petri filiorum eiusdem Gregory patruelium fratrum suorum in personis, Spectabilem et Magnificum virum dominum Johannem de Hwnyad Comitem Bistricensem etc. coram nobis facie ad faciem repertum ab occupacione vsurpacione et detencione possessionis sue et dictorum fratrum suorum Zenthandreas vocate in comitatu de Bekes adiacentis ipsum et dictos fratres suos vt asserit pleno Jure concernentis, ac vsuum fructuum et quarumlibet vtilitatum eiusdem percepcione et percipi faccione quomodolibet factis vel fiendis publice et manifeste inhibuit coram nobis vigore et testimonio presencium litterarum nostrarum mediante, datum Bude in festo beate Dorothee virginis et martiris Anno domini Millesimo quadringentesimo quinquagesimo quinto.

Hátlapján kerek pecsét maradványaival; eredetije Lapispatakon, a Keczer cs. ltárában. Közli: Nagy Gyula.