De commissione domini Regis.

Mathias Dei gracia Rex hungarie Bohemie etc. fidelibus nostris magnificis Sigismundo et Johanni Groff de Bozyn Salutem et graciam. Exponitur nobis in personis fidelium nostrorum Egregy magistri Urbani de finthafalwa lectoris ecclesie Budensis ac Michaelis et Thome, de Baych, quomodo circa festum beati Galli confessoris proxime preteritum Reuerendus in Christo pater dominus demetrius Episcopus ecclesie Jauriensis per quosdam familiares suos vadum eorumdem exponencium in flunio danuby iuxta possessionem ipsorum exponencium Zenthwyd vocatam in Comitatu Jauriensi existentem habitum pro se occupare fecisset et eosdem exponentes in eodem vado transfretari non permisisset nec permitteret eciam de presenti potencia mediante In preiudicium et dampnum ipsorum exponencium manifestum. Supplicatunique est nobis humiliter ut ipsis superinde de condigno Juris remedio prouidere dignaremur. Et quia nos huiusmodi actus potenciarios per quempiam regnicolarum nostrorum committi et patrari commissosque et patratos simpliciter et impune pertransire nolimus, Et licet pro rescienda veritate premissorum et execucione exhinc fienda Comiti vel vicecomiti Comitatus Jauriensis mandare consueuerimus, Tamen quia dictus dominus Episcopus dicte Ecclesie Jauriensis honore dicti Comitatus fungi dinoscitur, obhoc sibi superinde mandare non conuenit, volentes igitur execucionem huiusmodi per vos expediri, fidelitati igitur vestre firmiter precipiendo mandamus, quatenus agnita presencium noticia uniuersis vicinis et commetaneis dicte possessionis Zenthwyd ceterisque nobilibus comprouincialibus dicti Comitatus Jauriensis quibus decet et licet ad unum certum et breuem terminum, per vos ipsis partibus prefigendum, per modum proclamate congregacionis generalis vestri in presenciam insimul ad dictam possessionem Zenthwid, ubi huiusmodi actus potenciarii commisisse asseruntur, conuocatis, ab eisdem ad fidem eorum deo debitam fidelitatemque nobis et sacro nostro regio diademati obseruandam, tacto daminice crucis signo per eos coram vobis ac Stephano fodor de Eztergethew vel Valentino aut philipo de Zapy sin Michaele de Ewrken alys absentibus homine nostro et testimonio capituli ecclesie Janriensis predicte, quod per ipsum Capitulum illac ad id presencium serie transmitti iubemus, partibus eciam predictis vel earum legitimis procuratoribus, ante octo dies diei sew termini execucionis huiusmodi Inquisicionis et attestacionis veritatis premissorum partes inter pretactas fiende per vos ut prefertur eisdem partibus prefigende per unum ex vobis puta Judicem nobilium in aliqua possessionum sew porcionum possessionariarum parcium earumdem illac legitime conuocatis et accersitis ac presentibus prestandam, meram plenam et omnimodam super premissis sciatis inquiratis et experiamini certitudinis veritatem, qua rescita et experta, Idem homo noster presente dicto testimonio annotati capituli ecclesie Jauriensis euocet prefatum dominum episcopum contra annotatos magistrum Urbanum et Michaelem ac Thomam exponentes ad octauas festi Epiphaniarum domini nunc venturas nostram personalem in presenciam racionem de premissis redditurum efficacem, litis pendencia si qua foret inter ipsos non obstante. Insinuando ibidem eidem ut siue ipse in dictis octauis festi Epiphaniarum domini coram eadem nostra personali presencia compareat siue non, eadem ad partis comparentis instanciam id faciet causa in premissa, quod dictabit ordo Juris. Et post hec huiusmodi rescite veritatis premissorum ac attestacionis ewocacionis et Insinuacionis seriem cum proprys et possessionum attestancium ac enocatorum nominibus octauas ad predictas eidem nostre personali presencie per nos et dictum Capitulum fideliter rescribi volumus et mandamus, Secus non facturi, presentibus perlectis exhibenti restitutis. Datum Bude feria quarta uidelicet in festo beatorum Simonis et, Jude Apostolorum, Anno Domini Millesimo quadringentesimo septuagesimo secundo, Regni nostri Anno quintodecimo, Coronacionis vero nono.

A szöveg alá nyomott pecséttel; eredetije a gr. Khuen-Héderváry cs. ltárában, „Viczay rész” fasc. 48. nr. 48. Közli: b. Radvánszky Béla.